17 сакавіка ў Мінску адбыўся X штогадовы боўлінг-турнір, прысвечаны святкаванню Дня Канстытуцыі Рэспублікі Беларусь, арганізаваны Беларускім рэспубліканскім саюзам юрыстаў.
У боўлінг-турніры прынялі ўдзел 16 каманд, у тым ліку і каманда НЦПІ. У яе склад увайшлі прадстаўнікі пярвічнай арганізацыі Саюза юрыстаў Цэнтра.
Спаборніцтвы праходзілі ў асабістым і камандным заліках.
У выніку напружанай барацьбы нашы калегі двойчы паднімалася на другую прыступку ганаровага пастамента.
Так, сярэбраную ўзнагароду заваявала каманда НЦПІ ў складзе Аляксандра Бравусава, Аляксандра Мядзведзя, Дзмітрыя Марозава, Ігара Прывалава, Вікторыі Снігіровай, Вольгі Багдановіч, уступіўшы камандзе пярвічнай арганізацыі Адміністрацыі Прэзідэнта Рэспублікі Беларусь.
А Вольга Багдановіч папоўніла пераможную скарбонку срэбрам у асабістым заліку сярод жанчын.
Як адзначылі ўдзельнікі спартыўнага спаборніцтва, мерапрыемства прайшло ў вельмі цёплай і душэўнай атмасферы, прадстаўнікам розных юрыдычных сфер і профіляў дзейнасці было цікава паразмаўляць у нефармальнай абстаноўцы.
Віншуем пераможцаў!
Даведка
Боўлінг-турнір праводзіцца з 2012 года і з'яўляецца штогадовай традыцыяй Саюза юрыстаў.