Важнай састаўляючай прававой культуры грамадства з’яўляецца стварэнне сучасных пляцовак і ўмоў для інтэрактыўнага ўдзелу грамадзян у нарматворчым працэсе.
Менавіта такой пляцоўкай з’яўляецца сайт «Прававы форум Беларусі» forumpravo.by – дзяржаўны інфармацыйны рэсурс у вобласці права і прававой інфарматызацыі, створаны Нацыянальным цэнтрам прававой інфармацыі ў 2013 годзе.
Згодна з артыкулам 7 Закона Рэспублікі Беларусь ад 17 ліпеня 2018 г. № 130-З «О нормативных правовых актах». Прававы форум Беларусі з’яўляецца афіцыйнай пляцоўкай для публічнага абмеркавання праектаў нарматыўных прававых актаў (НПА).
Парадак правядзення публічнага абмеркавання праектаў НПА вызначаны згодна з пастановай Савета Міністраў Рэспублікі Беларусь ад 28 студзеня 2019 г. № 56. Патрабаванні да прадастаўлення для публічнага абмеркавання праектаў НПА і іншых матэрыялаў рэгламентаваны згодна з загадам Нацыянальнага цэнтра прававой інфармацыі ад 21 сакавіка 2019 г. № 30.
Наведвальнікі сайта могуць выказаць сваё меркаванне па праектах НПА у раздзеле «Абмеркаванне праектаў НПА».
Згодна з пастановай Савета Міністраў Рэспублікі Беларусь ад 30 студзеня 2019 г. № 65 Прававы форум Беларусі таксама з’яўляецца платформай для публічнага абмеркавання НПА у рамках правядзення прававога маніторынгу. Свае заўвагі і прапановы можна размясціць у спецыяльных тэмах у раздзеле «Важна ваша меркаванне».
Акрамя таго, Форум дае спецыялістам у вобласці права і наведвальнікам сайта магчымасць інтэрактыўнай сувязі паміж сабой па прававых пытаннях (тлумачэнні, каментарыі, абмен вопытам, абмеркаванне заканадаўства і практыкі яго прымянення).
Скарыстацца рэсурсамі Форума можа любы жадаючы. Для ўдзелу ў абмеркаваннях на сайце трэба прайсці рэгістрацыю.
Падзяліцца ў сац. сетках