Сумесна з НЦПІ праведзена XIV гарадская алімпіяда па асновах прававых ведаў у Брэсце

11 красавіка ў Брэсцкім дзяржаўным універсітэце ім. А.С.Пушкіна прайшла штогадовая алімпіяда па асновах прававых ведаў, суарганізатарам якой традыцыйна выступіў РЦПІ Брэсцкай вобласці.

Мерапрыемства накіравана на павышэнне прававой культуры і прававой свядомасці навучэнскай моладзі, фарміраванне яе грамадзянскасці, патрыятызму, актыўнай жыццёвай пазіцыі і развіццё цікавасці да вывучэння заканадаўства Рэспублікі Беларусь.

У цырымоніі адкрыцця прыняла ўдзел дырэктар РЦПІ Брэсцкай вобласці Іна Савянок.

Звяртаючыся з прывітальным словам да ўдзельнікаў спаборніцтва, яна адзначыла важнасць набыцця прававых ведаў для школьнікаў, расказала аб дзяржаўных інфармацыйна-прававых рэсурсах, што фарміруюцца Цэнтрам: Нацыянальным прававым Партале, Прававым форуме Беларусі, Дзіцячым прававым сайце.

«Упэўнена, на нашых рэсурсах кожны з вас можа знайсці актуальную і карысную інфармацыю. А выкарыстоўваць атрыманыя веды вы зможаце як у падобных конкурсах, так у вучобе і паўсядзённым жыцці», – адзначыла Іна Леанідаўна.

У гэтым годзе праявіць эрудыцыю і паказаць веды ў галіне права прыйшлі каля пяцідзесяці навучэнцаў 9-11 класаў устаноў сярэдняй адукацыі г. Брэста. Конкурсныя заданні праходзілі ў форме выканання камп'ютарных тэстаў і напісання творчага эсэ.

Безумоўна, перамаглі мацнейшыя. Імі сталі навучэнцы ліцэя № 1 ім. А.С.Пушкіна г. Брэста, гімназіі № 6 і брэсцкіх школ № 7, 14 і 28.

Прызёрам алімпіяды былі ўручаны падарункі ад арганізатараў конкурсу.

Даведачна

Арганізатарамі XIV гарадской алімпіяды па асновах прававых ведаў сярод навучэнцаў 9-11 класаў устаноў адукацыі г. Брэста таксама з'яўляюцца:

• эканамічны суд Брэсцкай вобласці;
• юрыдычны факультэт УА «Брэсцкі дзяржаўны ўніверсітэт імя А.С.Пушкіна»;
• упраўленне Следчага камітэта Рэспублікі Беларусь па Брэсцкай вобласці;
• Брэсцкае абласное аддзяленне грамадскага аб'яднання «Беларускі рэспубліканскі саюз юрыстаў»;
• аддзел па адукацыі Брэсцкага гарадскога выканаўчага камітэта.