0
24 красавіка навучэнцы сярэдняй школы ім. Я.Купалы № 19 сталіцы пазнаёміліся з Дзіцячым прававым сайтам. Вядучы спецыяліст упраўлення інфармацыйнай палітыкі і інтэрнэт-рэсурсаў НЦПІ Ілона Ярмольчык прэзентавала інфармацыйнае напаўненне і магчымасці рэсурсу.
Дзеці пазнаёміліся з правамі і абавязкамі непаўналетніх, замацаваных у актах заканадаўства Беларусі. Абмеркавалі пытанне аб важнасці быць інфармаваным у сучасным свеце. Таксама яны даведаліся, дзе на сайце можна знайсці інфармацыю аб такіх важных прававых актах, як Канстытуцыя і Закон «Аб правах дзіцяці». Акрамя таго, пагаварылі аб дзяржаўных сімвалах Рэспублікі Беларусь і дзяржаўным ладзе.
Вучні зазірнулі ў «Буквар прававых тэрмінаў і паняццяў» і з вялікім задавальненнем паўдзельнічалі ў віктарыне «Прававы кракадзіл або #дзеці маюць права».
«Дзіцячы прававы сайт рады бачыць вас у ліку сваіх карыстальнікаў! Знаёмцеся з інфармацыяй, атрымлівайце веды і развівайцеся разам з намі», – завяршыла сустрэчу Ілона Віктараўна.
Даведачна
Сайт створаны ў 2008 годзе. З'яўляецца пераможцам TIБO-2011 і 2021 года ў намінацыі «Для дзяцей і юнацтва».
