0
Падчас летніх канікул у мэтах прапаганды правілаў дарожнага руху і прафілактыкі дарожна-транспартных здарэнняў з удзелам непаўналетніх РЦПІ Гомельскай вобласці сумесна з Дзяржаўтаінспекцыяй Гомельскай вобласці правялі фотаконкурс «Юны веласіпедыст».
На працягу двух тыдняў удзельнікі накіроўвалі свае фатаграфіі ў Instagram-акаўнт Дзяржаўтаінспекцыі gai_gomel. Конкурс стаў вельмі папулярным сярод юных гамяльчан і іх бацькоў, якія крэатывілі і арыгінальна падыходзілі да працэсу: складалі вершы, шылі касцюмы для тэматычных фота, збіралі сяброў для падтрымкі, тварылі. Пенчынская сярэдняя школа Буда-Кашалёўскага раёна прыняла калектыўны ўдзел у конкурсе, за што была адзначана асобнай намінацыяй і атрымала спецыяльныя прызы НЦПІ.
Па выніках конкурсу 17 ліпеня прайшло ўрачыстае ўзнагароджанне пераможцаў, якое адбылося на тэрыторыі музея ўпраўлення ДАІ УУС Гомельскага аблвыканкама.
Самым актыўным і крэатыўным ўдзельнікам конкурсу былі ўручаны дыпломы і памятныя сувеніры з сімволікай Дзіцячага прававога сайта (ДПС), падарункі ад Дзяржаўтаінспекцыі.
Юныя ўдзельнікі і іх бацькі абяцалі працягваць вывучаць правы непаўналетніх з дапамогай ДПС і цікавіцца навінамі ў групе mir.pravo.by у Instagram.
Віншуем пераможцаў і ўсіх удзельнікаў конкурсу «Юны веласіпедыст»!
