Больш за 10 гадоў калектыў НЦПІ з вялікім задавальненнем наведвае выхаванцаў дзяржаўных устаноў адукацыі «Сацыяльна-педагагічны цэнтр Клецкага раёна» і «Нясвіжскі раённы сацыяльна-педагагічны цэнтр».
Часта сацыяльныя прытулкі з’яўляюцца родным домам для дзяцей, у сем’ях якіх склаліся цяжкія жыццёвыя сітуацыі. Менавіта там яны атрымліваюць неабходную ўвагу.
Праяўляючы клопат аб дзецях, супрацоўнікі Цэнтра аказалі пасільную дапамогу названым прытулкам у набыцці санітарна-гігіенічных сродкаў і сродкаў дэзінфекцыі.
НЦПІ жадае кожнаму дзіцяці моцнага здароўя, шчаслівага дзяцінства, радасці і сонечных дзён!
Цёплае прывітанне Цэнтру перадалі таксама і яго падапечныя.