26 мая на пасяджэнні БНП з удзелам НЦПІ ў члены беларускага натарыяту ва ўрачыстай абстаноўцы былі прыняты Дар’я Стрэльская, Марына Кітаёва, Кацярына Бацяноўская, Наталля Ганчар.
Новых натарыусаў, што ўступілі на пасаду, павіншаваў намеснік дырэктара НЦПІ Вячаслаў Бякета.
«Натарыусы незалежныя і аб’ектыўныя ў сваёй прафесійнай дзейнасці – гэта ўмова прававых гарантый дзяржавы, і, дзякуючы БНП, грамадзяне нашай краіны могуць разлічваць на кваліфікаваную дапамогу і бесстароннюю пазіцыю ў рашэнні пытанняў, – адзначыў Вячаслаў Мечыслававіч. – Дзейнасць Цэнтра і натарыяльнай супольнасці цесна ўзаемазвязаная: аказваючы юрыдычную дапамогу насельніцтву, натарыусы таксама, як і НЦПІ, дапамагаюць фарміраванню прававой культуры ў нашай краіне».
Для паспяховага старту ў прафесіі маладым натарыусам былі ўручаны сертыфікаты доступу да інфармацыйна-пошукавай сістэмы «ЭТАЛОН-ONLINE».
З віншавальным словам да калег выступіла старшыня праўлення БНП Наталля Барысенка. Яна пажадала маладым спецыялістам дасягнення высокіх вынікаў і паспяховай дзейнасці ў якасці натарыуса.