28 снежня прайшло заключнае ў 2021 годзе пасяджэнне праўлення Беларускай натарыяльнай палаты, якое пачалося з урачыстага прыняцця ў члены БНП новых натарыусаў Наталлі Сухачэўскай і Наталлі Баранавай.
Завяршальным этапам на шляху да атрымання права на ажыццяўленне натарыяльнай дзейнасці стала прынясенне прысягі натарыуса перад членамі Праўлення БНП. Натарыус Наталля Баранава будзе ажыццяўляць сваю дзейнасць у Мінскай гарадской натарыяльнай акрузе, а Наталля Сухачэўская – у Мінскай абласной.
Традыцыйна ад Нацыянальнага цэнтра прававой інфармацыі новым натарыусам былі ўручаны сертыфікаты на права доступу на працягу года да дзяржаўнага інфармацыйна-прававога рэсурсу «ЭТАЛОН-ONLINE».