12 сакавіка, напярэдадні Дня Канстытуцыі, у НЦПІ прайшоў урачысты сход калектыву, прысвечаны дзяржаўнаму святу і падвядзенню вынікаў працы арганізацыі за 2023 год. Падчас мерапрыемстваў адбылася цырымонія ўзнагароджання работнікаў, якія паказалі высокія вынікі.
Выступаючы перад калектывам, дырэктар НЦПІ Андрэй Матэльскі паведаміў, што задачы, пастаўленыя перад Цэнтрам у мінулым годзе, выкананы ў поўным аб'ёме, а работа арганізацыі была адзначана на ўзроўні Кіраўніка Адміністрацыі Прэзідэнта. Ён таксама павіншаваў калег з 30-годдзем Асноўнага Закона краіны – Днём Канстытуцыі.
«Наша Канстытуцыя – гэта жывы дакумент, які ўвесь час удасканальваецца і ідзе ў нагу з часам, адказваючы сучасным патрабаванням. На НЦПІ не раз ускладалася адказная місія па выкананні маштабных дзяржаўных задач, якія тычацца ў тым ліку ўдасканалення Асноўнага Закона, – акцэнтаваў увагу Андрэй Францавіч. – Цэнтр актыўна ўдзельнічае ў забеспячэнні рэалізацыі шэрагу яго палажэнняў. Гэта датычыцца афіцыйнага апублікавання прававых актаў на Нацыянальным прававым Партале, фарміравання сучасных лічбавых каналаў для работы з заканадаўствам і камунікацый у сферы права. Не менш важным у нашай працы з'яўляецца давядзенне прававой інфармацыі да грамадзян у друкаванай форме, паколькі традыцыйныя формы працы з правам захоўваюць сваю папулярнасць у нашым грамадстве», – сказаў кіраўнік арганізацыі.
Падчас выступленняў дырэктар НЦПІ адзначыў працу структурных падраздзяленняў і іх асноўныя дасягненні.
«Кожны з работнікаў Цэнтра добрасумленна і адказна выконвае свае абавязкі, валодае высокім прафесіяналізмам і робіць значны ўнёсак у агульную справу. Для нашай арганізацыі 2023 год завяршыўся дастойна, і ў новым годзе мы гатовы да плённай работы на карысць краіны», – падкрэсліў дырэктар НЦПІ.
Вынікам мерапрыемства стала ўручэнне ўзнагарод і адкрыццё Дошкі гонару.
За добрасумленную і эфектыўную работу, паспяховае выкананне задач, якія стаяць перад НЦПІ, дасягненне высокіх вынікаў у працоўнай дзейнасці па выніках 2023 года на Дошку гонару НЦПІ занесены сем работнікаў.
Шэраг работнікаў, якія дасягнулі найбольш высокіх вынікаў у працоўнай дзейнасці, грамадскім і спартыўным жыцці, адзначаны Ганаровымі граматамі і Падзякамі.
Уручаючы заслужаныя ўзнагароды, Андрэй Матэльскі падзякаваў калегам за эфектыўную работу і пажадаў далейшых прафесійных поспехаў.
Віншуем найлепшых з лепшых!