Паважаныя калегі!
9 мая 1945-га – Дзень Перамогі ў Вялікай Айчыннай вайне – застаўся ў мінулым стагоддзі, але год ад года расце яго аб'яднаўчая сіла. Гэта дзень гонару, памяці аб стойкасці і згуртаванасці, мужнасці і гераізме.
Хачу выказаць словы падзякі тым, хто падарыў нам гэтае свята, хто прайшоў вайну, выстаяў і перамог, хто выратаваў нашу Радзіму і мір. Час не ўладны над праўдай гісторыі, а подзвігі герояў не маюць тэрміну даўніны. Мы будзем шанаваць іх.
Абавязак нашага пакалення – перадаць нашым дзецям маральныя каштоўнасці, за якія змагаліся нашы дзяды, укласці ў іх душы любоў да роднай зямлі, навучыць быць гатовымі пастаяць за нашу Айчыну.
Віншую з Днём Перамогі! У гэты памятны дзень хачу пажадаць здароўя кожнаму з вас, каб у нашых дамах панавалі шчасце і дабрабыт! Няхай над нашай роднай Беларуссю заўсёды будзе мірнае неба!
З павагай,
Дырэктар Нацыянальнага цэнтра прававой інфармацыі
Рэспублікі Беларусь А.Ф.Матэльскі