0
Работнікі НЦПІ на рэгулярнай аснове праводзяць заняткі са слухачамі Інстытута павышэння кваліфікацыі і перападрыхтоўкі Следчага камітэта Рэспублікі Беларусь.
Так, 5 снежня дырэктар РЦПІ Мінскай вобласці Руслан Трухан у рамках праграмы перападрыхтоўкі асвятліў пытанні функцыянавання дзяржаўнай сістэмы прававой інфармацыі, развіцця прававой інфарматызацыі і цыфравізацыі нарматворчасці. Азнаёміў з працай, якая праводзіцца ў дзяржаве па гэтых напрамках, абазначыў патэнцыял прымянення дзяржаўных інфармацыйна-прававых рэсурсаў у прафесійнай дзейнасці следчага.
– Выкарыстанне ў рабоце следчага лічбавых інструментаў – Нацыянальнага прававога Партала, сістэмы «ЭТАЛОН-ONLINE», іншых рэсурсаў, што фарміруюцца НЦПІ, – з'яўляецца не толькі гарантыяй выкарыстання дакладных крыніц прававой інфармацыі, але і залогам павышэння яго прафесійных кампетэнцый, – падкрэсліў Руслан Іванавіч.
У сваю чаргу начальнік кафедры забеспячэння лічбавага развіцця папярэдняга следства Інстытута павышэння кваліфікацыі і перападрыхтоўкі Следчага камітэта Рэспублікі Беларусь, генерал-маёр юстыцыі Уладзімір Шалухін адзначыў, што ў век інфармацыйных тэхналогій, кіберпагроз і іншых выклікаў сучаснасці існуе неабходнасць пастаяннага самаўдасканалення і папаўнення багажу ведаў асабовага складу.
Завяршаючы мерапрыемства, Руслан Трухан уручыў імянныя сертыфікаты аб праходжанні навучання па рабоце з дзяржаўнымі інфармацыйна-прававымі рэсурсамі.
