0
19 красавіка адбылося выязное мерапрыемства рабочай групы Брэсцкага аблвыканкама па прававой асвеце грамадзян і аказанні комплекснай прававой дапамогі насельніцтву ў горадзе Століне.
Сустрэча адбылася на базе публічных цэнтраў прававой інфармацыі (ПЦПІ) у Столінскай цэнтральнай раённай бібліятэцы. У ёй прынялі ўдзел прадстаўнікі РЦПІ Брэсцкай вобласці, галоўнага ўпраўлення юстыцыі Брэсцкага аблвыканкама, адвакаты, натарыусы, судовыя выканаўцы і работнікі органаў ЗАГС.
Выступленне першага намесніка начальніка галоўнага ўпраўлення юстыцыі Брэсцкага аблвыканкама Яны Стэльмашук было прысвечана вынікам работы па прававой асвеце грамадзян у рэгіёне. Дырэктар філіяла НЦПІ Іна Савянок падрабязна расказала пра ГСПІ. Яна асабліва адзначыла ролю ПЦПІ ў развіцці ГСПІ і павышэнні прававой культуры грамадства.
У ходзе сустрэчы ўсе грамадзяне, якія звярнуліся, змаглі атрымаць бясплатную юрыдычную кансультацыю і адказы на пытанні.
Акрамя таго, з мэтай павышэння ўзроўню ведаў і кваліфікацыі работнікаў ПЦПІ Столінскага раёна работнікі філіяла Цэнтра Вольга Пашкевіч і Аляксандр Ляўчук правялі трэнінг па рабоце з сістэмамі «ЭТАЛОН» і «ЭТАЛОН-ONLINE», расказалі аб дзяржаўных інфармацыйна-прававых рэсурсах у Рэспубліцы Беларусь.
Па выніках удзельнікам уручаны сертыфікаты аб навучанні.
Даведачна
Унікальнасць ПЦПІ як дзяржаўнага сацыяльнага праекта заключаецца ў стварэнні максімальна зручных умоў доступу насельніцтва да заканадаўства.
ПЦПІ ў Столінскім раёне, дзе можна атрымаць доступ да прававой інфармацыі, размешчаны ў Століне, Давыд-Гарадку, Рэчыцы, сельскіх бібліятэках аграгарадкоў Белавуша, Беражное, Вялікае Малешава, Велямічы, Альшаны, Плотніца, Рэмель, Рубель, Фёдары, вёскі Верхні Церабяжоў.
