0
5 снежня прадстаўнікі Цэнтра прынялі ўдзел у круглым стале «30 год Закону «Аб правах дзіцяці»: станаўленне і перспектывы развіцця», які адбыўся ў Прэзідэнт-атэлі.
Мерапрыемства было прысвечана абмеркаванню дасягненняў Беларусі ў сферы абароны дзяцей, падтрымкі сем'яў, у якіх выхоўваюцца дзеці, а таксама пытанняў захавання здароўя дзяцей і перспектыў удасканалення асноўных палажэнняў Закона Рэспублікі Беларусь «Аб правах дзіцяці».
У ім удзельнічалі прадстаўнікі дзяржаўных органаў і арганізацый, выканаўчых камітэтаў, грамадскіх аб'яднанняў – каля 60 чалавек.
Віталі ўдзельнікаў круглага стала Валерый Бельскі, намеснік Старшыні Савета Рэспублікі Нацыянальнага сходу, Аляксандр Кадлубай, намеснік Міністра адукацыі, Рустам Хайдараў, прадстаўнік Дзіцячага Фонду ААН (ЮНІСЕФ) у Рэспубліцы Беларусь, Ірына Чупракова, намеснік дырэктара НЦПІ.
Звяртаючыся да ўдзельнікаў мерапрыемства, Ірына Адамаўна адзначыла, што ў нашай краіне створана трывалая заканадаўчая база, якая забяспечвае абарону інтарэсаў сям'і і дзяцей. Пры гэтым яна звярнула ўвагу:
«Якім бы поўным і гарманічным ні было прававое рэгуляванне ў гэтай сферы, вельмі важна эфектыўна даносіць да грамадзян, найперш непаўналетніх, інфармацыю аб іх правах і абавязках. Таму падчас абмеркаванняў пытанняў гэтага круглага стала, у нашай штодзённай практыцы заклікаю нас усіх надаваць значную ўвагу пытанням прававой асветы».
Яна падкрэсліла, што цяпер прававая асвета мадэрнізуецца ў бок выкарыстання новых каналаў і форм, даступных і прывычных дзецям, паколькі трансфармуецца спажыванне інфармацыі ў цэлым.
«Закону аб правах дзіцяці 30 год – можна сказаць, што на ім вырасла некалькі пакаленняў нашых дзяцей! За гэты час адбыліся тэктанічныя сацыяльныя і тэхналагічныя зрухі ў грамадстве. Мы павінны разумець, як зараз нашы дзеці ўспрымаюць інфармацыю, у тым ліку прававую, якімі тэхналогіямі карыстаюцца. І, зыходзячы з гэтага, вырашаць, як гэтая інфармацыя павінна падавацца, каб яна «заходзіла» і ўспрымалася належным чынам. Бо права прысутнічае з імі кожны дзень, у любой са сфер жыцця».
Абапіраючыся на статыстыку аб запатрабаванасці інтэрнэту сярод падрастаючага пакалення ў краіне, Ірына Адамаўна адзначыла, што НЦПІ надаецца пільная ўвага пытанню фарміравання прававой культуры непаўналетніх у інфармацыйнай прасторы:
«Мы займаемся гэтым на сур'ёзным прафесійным узроўні. Гэта Дзіцячы прававы сайт, праца ў сацыяльных медыя, уцягванне праз гульнявыя формы і спаборніцтвы анлайн, падрыхтоўка відэаматэрыялаў і інфаграфікі, праца па адаптацыі прававой інфармацыі для дзяцей».
Праграма круглага стала ўключала абмеркаванне пытанняў, якія датычацца:
Падчас круглага стала даклад аб Дзіцячым прававым сайце як крыніцы прававой асветы непаўналетніх прадставіла Марына Галаенка, вядучы спецыяліст упраўлення інфармацыйнай палітыкі і інтэрнэт-рэсурсаў НЦПІ.
Марына Міхайлаўна прэзентавала змест рэсурсу, яго інфармацыйны патэнцыял для работы па прававой асвеце непаўналетніх. Яна таксама расказала аб праектах, якія рэалізуюцца на пляцоўцы mir.pravo.by.
