18 снежня прайшла сустрэча старшыні Брэсцкага гарадскога Савета дэпутатаў са студэнтамі юрфака Брэсцкага дзяржаўнага ўніверсітэта імя А.С. Пушкіна. Мерапрыемствы арганізавана РЦПІ Брэсцкай вобласці ў рамках дзейнасці філіяла кафедры тэорыі і гісторыі дзяржавы і права гэтага ўніверсітэта.
Тэматыка сустрэчы закранала пытанні прававога рэгулявання дзейнасці мясцовых органаў кіравання і самакіравання, арганізацыі выбарчага працэсу, дзейнасці дэпутацкага корпуса.
У сваім выступленні дырэктар РЦПІ Іна Савянок адзначыла, што ў дзейнасці дэпутата адну з ключавых роляў іграе выкарыстанне правераных крыніц інфармацыі, у тым ліку прававой. Яна звярнула ўвагу студэнтаў на працу па дзяржаўным узроўні па вядзенні рэсурсаў - крыніц афіцыйнай прававой інфармацыі. Таксама спікер на практыцы прадэманстравала функцыянальныя магчымасці Партала Pravo.by, сістэмы «ЭТАЛОН-ONLINE» па пошуку прававых актаў, якія рэгулююць дзейнасць інстытута мясцовага самакіравання ў нашай краіне.
«Выкарыстанне ў рабоце юрыста лічбавых інструментаў - Нацыянальнага прававога Партала, сістэмы «ЭТАЛОН-ONLINE», іншых рэсурсаў, што фарміруюцца НЦПІ, – з'яўляецца не толькі гарантыяй атрымання прававой інфармацыі з дакладных крыніц, але і залогам павышэння яго прафесійных кампетэнцый», – адзначыла Іна Леанідаўна. .
Мікалай Красоўскі расказаў аб дзейнасці Брэсцкага гарадскога Савета дэпутатаў, паказаў на канкрэтных прыкладах рэалізацыю закладзеных у заканадаўстве норм.Саветы выбіраюцца грамадзянамі і з'яўляюцца прадстаўнічымі дзяржаўнымі органамі на тэрыторыі адпаведных адміністрацыйна-тэрытарыяльных адзінак.
Жывую цікавасць моладзі выклікаў расповед спікера пра будучую электаральную кампанію – найбуйнейшую за ўсю гісторыю незалежнай Беларусі, адзіны дзень галасавання, навацыі Выбарчага кодэкса.
«Дзякуючы такім сустрэчам будучыя юрысты атрымліваюць новыя веды, паглыбляецца іх уяўленне аб прынцыпах народаўладдзя ў краіне, узрастае цікавасць да грамадскай і палітычнай дзейнасці», – падводзячы вынікі мерапрыемства, адзначыла Іна Савянок.
У ходзе сустрэчы адбылося абмеркаванне тэм, закранутых спікерамі. Моладзь актыўна дыскутавала і праявіла жывую цікавасць да атрымання інфармацыі ў рамках такіх мерапрыемстваў.
Даведка:
Філіял кафедры тэорыі і гісторыі дзяржавы і права юрыдычнага факультэта Брэсцкага дзяржаўнага ўніверсітэта імя А.С.Пушкіна створаны на базе РЦПІ Брэсцкай вобласці ў 2017 годзе. Сумесна з прадстаўнікамі філіяла НЦПІ праводзяцца вучэбна-метадычныя семінары, ажыццяўляецца інфармацыйная падтрымка выкладчыкаў і студэнтаў юрыдычнага факультэта па выкарыстанні дзяржаўных інфармацыйна-прававых рэсурсаў, у тым ліку сістэм «ЭТАЛОН» і «ЭТАЛОН-ONLINE». Студэнты маюць магчымасць праходжання ўсіх відаў практык у РЦПІ. Таксама супрацоўнікі РЦПІ бяруць удзел у выніковай атэстацыі студэнтаў у складзе дзяржаўнай экзаменацыйнай камісіі.