Напярэдадні навагодніх і калядных святаў прынята дарыць падарункі. Іх чакаюць усе, аднак асабліва дзеці. У НЦПІ ёсць добрая традыцыя – штогадовы ўдзел у мерапрыемствах рэспубліканскай дабрачыннай акцыі «Нашы дзеці».
Хлапчукі і дзяўчаткі былі вельмі радыя сустрэчы. Для гасцей дзеці арганізавалі не толькі цёплы прыём, але святочнае прадстаўленне: чыталі вершы, спявалі навагоднія песні. Не абышлося і без традыцыйнага карагоду вакол прыгажуні-елкі.
Сёлета калектыў Цэнтра падарыў дзецям салодкія навагоднія падарункі, цацкі, неабходнае адзенне і абутак, канцылярскія тавары, бытавую тэхніку і прадметы мэблі.
Асаблівым сюрпрызам для падшэфнай арганізацыі Клецкага раёна стаў уручаны дырэктарам НЦПІ камп’ютар.
Ад імя ўсяго калектыву Цэнтра і ад сябе асабіста Андрэй Матэльскi пажадаў дзецям і педагогам здароўя, міру, дабра і здзяйснення запаветных жаданняў!