НЦПІ павіншаваў з 90-годдзем Прэзідэнцкую бібліятэку

8 снежня адбыўся ўрачысты збор з нагоды святкавання 90-гадовага юбілею Прэзідэнцкай бібліятэкі Рэспублікі Беларусь. Удзел у мерапрыемстве прыняў дырэктар Цэнтра Андрэй Матэльскі.

Андрэй Францавіч павіншаваў калектыў бібліятэкі са святам і ўручыў шэраг узнагарод.

За плённае супрацоўніцтва з НЦПІ ў сферы развіцця дзяржаўнай сістэмы прававой інфармацыі і ў сувязі з 90-годдзем з дня заснавання дзяржаўнай установы «Прэзідэнцкая бібліятэка Рэспублікі Беларусь» Ганаровай граматай НЦПІ ўзнагароджаны дырэктар установы Сяргей Квачан.

За эфектыўнае ўзаемадзеянне з Цэнтрам у дзейнасці па фарміраванні прававой культуры грамадзян і прапагандзе прававых ведаў падзякай дырэктара НЦПІ адзначаны работнікі бібліятэкі.

НЦПІ і Прэзідэнцкую бібліятэку звязвае шматгадовае партнёрства па рэалізацыі шэрага праектаў, накіраваных на павышэнне прававой культуры грамадзян і захаванне гістарычнай прававой спадчыны Беларусі.