13 сакавіка прайшла сустрэча РЦПІ Брэсцкай вобласці з навучэнцамі профільных прававых 10 і 11 класаў СШ № 5 г. Брэста.
Вядучы спецыяліст абласнога філіяла НЦПІ Ала Кравец павіншавала школьнікаў з надыходзячым Днём Канстытуцыі, адзначыўшы значнасць гэтага свята для кожнага грамадзяніна нашай краіны.
Яна расказала пра Асноўны Закон і палажэнні яго артыкулаў. Вялікую цікавасць выклікала прававая віктарына на тэму «Канстытуцыя». Самыя актыўныя ўдзельнікі атрымалі знакавы падарунак – друкаванае выданне Цэнтра – Канстытуцыю Рэспублікі Беларусь.
У завяршэнні мерапрыемства навучэнцам быў прадэманстраваны відэаролік аб Дзіцячым прававым сайце, з якога яны даведаліся шмат цікавай і карыснай інфармацыі – аб правах і абавязках дзяцей і падлеткаў, гісторыі станаўлення дзяржавы і важных падзеях нашай краіны, а таксама праверылі свае прававыя веды.