У Дзень Канстытуцыі адбылася сустрэча кіраўніцтва НЦПІ з моладдзю НЦПІ – членамі першаснай арганізацыі саюза моладзі.
У мерапрыемстве прынялі ўдзел дырэктар НЦПІ Андрэй Матэльскі, намеснік дырэктара НЦПІ Вячаслаў Бякета, сакратар пярвічнай арганізацыі ГА «БРСМ» НЦПІ Ганна Палтаржыцкая.
Дырэктар НЦПІ павіншаваў усіх прысутных з дзяржаўным святам і падкрэсліў:
«У гэты дзень мы адзначаем трыццацігоддзе з дня ўступлення ў сілу Канстытуцыі Рэспублікі Беларусь. Гэтае свята з'яўляецца сімвалам выбару беларускім народам незалежнага шляху развіцця грамадства і дзяржавы, імкнення захаваць гістарычную памяць і пераемнасць традыцый».
Андрэй Францавіч падзякаваў моладзі, якая брала ўдзел у апрацоўцы і сістэматызацыі водгукаў і прапаноў грамадзян па праекту змяненняў і дапаўненняў Канстытуцыі Рэспублікі Беларусь, які быў вынесены на ўсенароднае абмеркаванне ў 2022 годзе, адзначыўшы важнасць уцягнутасці новага пакалення моладзі ў грамадска-палітычнае жыццё дзяржавы.
Падчас мерапрыемства новым членам пярвічнай арганізацыі ГА «БРСМ» НЦПІ было ўручана выданне Канстытуцыі Рэспублікі Беларусь на рускай, беларускай, англійскай мовах.
Да віншавання далучылася Ганна Палтаржыцкая, пазначыўшы, што ў Цэнтры вялікая ўвага надаецца грамадзянска-патрыятычнаму выхаванню моладзі, паколькі новае пакаленне заўсёды было рухаючай сілай развіцця кожнай дзяржавы.
«Ад асобы першаснай арганізацыі ГА «БРСМ» НЦПІ жадаю моладзі заставацца ініцыятыўнымі, мэтанакіраванымі, творчымі і неардынарнымі асобамі, імкнуцца да дасягнення новых мэт у асабістым, прафесійным і грамадскім жыцці і заўсёды кіравацца Асноўным Законам нашай дзяржавы».