29 сакавіка на юрыдычным факультэце БДУ адбыўся круглы стол «Каштоўнасныя арыенціры сучаснай Канстытуцыі Рэспублікі Беларусь», удзел у якім прыняў НЦПІ.
Мерапрыемства было прымеркавана да 75-годдзя прафесара Міхаіла Чудакова, яго арганізатарам выступіла кафедра канстытуцыйнага права юрыдычнага факультэта БДУ.
Ганаровымі гасцямі круглага стала сталі шматлікія калегі і вучні юбіляра: загадчык кафедры канстытуцыйнага права юрыдычнага факультэта БДУ Рыгор Васілевіч, намеснік дэкана па вучэбнай рабоце і адукацыйных інавацыях Вольга Пабярэжная, намеснік дырэктара – кіраўнік Інстытута прававых даследаванняў НЦЗПІ Алена Семашка, начальнік аддзела даследаванняў у галіне дзяржаўнага будаўніцтва і міжнароднага права Інстытута прававых даследаванняў НЦЗПІ Аксана Станкевіч, дырэктар Інстытута кіраўніцкіх кадраў Акадэміі кіравання пры Прэзідэнце Рэспублікі Беларусь Сяргей Апанасевіч і многія іншыя.
З прывітальным словам у адрас Міхаіла Піліпавіча і дакладам на тэму «Канстытуцыйныя каштоўнасці ў эпоху лічбавізацыі» выступіла намеснік начальніка ўпраўлення – начальнік аддзела навукова-метадычнага забеспячэння прававой інфарматызацыі ўпраўлення прававой інфарматызацыі НЦПІ Наталля Паляшчук.
«Згодна з артыкулам 2 Канстытуцыі чалавек, яго правы, свабоды і гарантыі іх рэалізацыі з'яўляюцца найвышэйшай каштоўнасцю і мэтай грамадства і дзяржавы. Найважнейшай задачай дзяржавы з'яўляецца падтрыманне балансу і суразмернасці канстытуцыйна абараняемых каштоўнасцей, мэт і інтарэсаў. Пры гэтым не павінна адбывацца падмена адной каштоўнасці іншай, паколькі праз прызму канстытуцыйных каштоўнасцей будуюцца адносіны чалавека, яго правоў і свабод, з аднаго боку, і дзяржавы – з другога. У эпоху лічбавізацыі дадзеная праблема набывае асаблівую значнасць», – адзначыла Наталля Анатольеўна.
Асаблівая ўвага ў яе выступленні была ўдзелена ўдзелу Цэнтра ў рэалізацыі асобных артыкулаў Канстытуцыі: артыкула 7, які замацоўвае неабходнасць афіцыйнага апублікавання і давядзення да ўсеагульнага ведама нарматыўных прававых актаў; артыкула 34, які гарантуе доступ грамадзянам да інфармацыі аб дзейнасці дзяржаўных органаў; артыкула 37, які дае права на ўдзел грамадзян у рашэнні дзяржаўных спраў.
У рамках круглага стала ўсімі ўдзельнікамі быў абазначаны важкі ўклад прафесара М.П.Чудакова ў развіццё беларускай юрыдычнай навукі і практыкі. Акрамя таго, абмяркоўваліся пытанні, прысвечаныя традыцыям канстытуцыйнага будаўніцтва, канстытуцыйнаму працэсу ў Беларусі ў постсавецкі перыяд, ідэалагічным падставам Асноўнага Закона краіны, канстытуцыйным арыенцірам развіцця грамадскіх фарміраванняў.