За значны асабісты ўклад у функцыянаванне і развіццё дзяржаўнай сістэмы прававой інфармацыі Рэспублікі Беларусь ганаровымі граматамі Нацыянальнага цэнтра прававой інфармацыі ўзнагароджаны прадстаўнікі мясцовых органаў улады, натарыяту і адвакатуры.
9 снежня 2021 г. дырэктар НЦПІ Андрэй Матэльскі з рабочым візітам наведаў Мінскую абласную калегію адвакатаў.
Уручаючы Ганаровую грамату яе старшыні Ірыне Смірновай, Андрэй Францавіч адзначыў высокі ўзровень супрацоўніцтва, наладжанага паміж калегіяй і Мінскім абласным філіялам НЦПІ. Ён падкрэсліў, што сумесная работа дазваляе эфектыўна забяспечваць адвакатаў рэгіёну афіцыйнай прававой інфармацыяй у структуры дзяржаўных інфармацыйна-прававых рэсурсаў, ажыццяўляць прававую асвету грамадзян.
Для ўручэння ўзнагарод у іншых абласцях намеснік дырэктара НЦПІ Вячаслаў Бякета 7 і 8 снежня 2021 г. наведаў Віцебск і Магілёў.
Падчас мерапрыемстваў, прымеркаваных да Дня юрыста, Вячаслаў Мечыслававіч уручыў Ганаровую грамату НЦПІ:
Вячаслаў Мечыслававіч адзначыў, што высокай адзнакі працы заслугоўваюць тыя, хто ўнёс значны асабісты ўклад у развіццё дзяржаўнай сістэмы прававой інфармацыі ў рэгіёнах.
Кіраўнікі Цэнтра павіншавалі калег з Днём юрыста і пажадалі ім здароўя, новых дасягненняў, працвітання, актыўнай і плённай дзейнасці на карысць Рэспублікі Беларусь.