2 снежня ў г. Мінску адбылася ўрачыстая цырымонія ўзнагароджання пераможцаў Нацыянальнага конкурсу «Предприниматель года». Па традыцыі адным з партнёраў выступіў НЦПI.
З цёплымі словамі да лаўрэатаў і арганізатараў конкурсу звярнуўся першы намеснік дырэктара НЦПІ Вячаслаў Абрамаў. Ён падзякаваў арганізатарам за прадстаўленую магчымасць удзелу ў такім значным для нашай краіны мерапрыемстве і пажадаў пераможцам працягваць рухацца толькі ўперад і верыць у свае сілы.
«Вы дабіліся поспеху ў сур’ёзным спаборніцтве і па праве можаце ганарыцца вынікам! Упэўненасць у сваіх сілах, высокі прафесіяналізм каманды і воля да перамогі дапамаглі вам заваяваць званне лепшых. І канешне, вынікі конкурсу паказваюць, што нашай краіне ёсць чым і кім ганарыцца», – рэзюмаваў Вячаслаў Абрамаў.
Пераможцам былі ўручаны дыпломы «Пераможца Нацыянальнага конкурсу «Предприниматель года» і памятныя прызы, сярод якіх сертыфікаты доступу да інфармацыйна-пошукавай сістэмы «ЭТАЛОН-ONLINE».
НЦПІ жадае пераможцам і ўсёй прадпрымальніцкай супольнасці ўвасаблення ў жыццё смелых ідэй і амбіцыйных праектаў. Упэўнены, што доступ да «ЭТАЛОН-ONLINE» стане добрай падтрымкай на шляху да стабільнага поспеху ва ўсіх бізнес-праектах.
Даведачна:
Па выніках 2021 года конкурс праводзіўся па пяці намінацыях: «Успешный старт», «Стабильный успех», «Эффективный бизнес в сфере производства», «Эффективный бизнес в сфере услуг», «Эффективный индивидуальный бизнес». На падставе паказчыкаў дзейнасці ўдзельнікаў конкурсу вызначаны 34 пераможцы ад абласцей і г. Мінска.