0
13 снежня Цэнтр наведала дэлегацыя маладзёжнага прафсаюзнага актыву. Сустрэча праходзіла ў рамках цыкла мерапрыемстваў, прымеркаваных да Года міру і стварэння.
Гасцей віталі намеснік дырэктара НЦПІ Вячаслаў Бякета, намеснік старшыні Рэспубліканскага камітэта Беларускага прафсаюза работнікаў дзяржаўных і іншых устаноў Юрый Чарнуха і старшыня Мінскай абласной арганізацыі Беларускага прафесійнага саюза работнікаў дзяржаўных і іншых устаноў Уладзімір Філімонаў.
Вячаслаў Мечыслававіч азнаёміў гасцей з дзейнасцю НЦПІ, падкрэсліўшы значэнне выкарыстання дзяржаўных інфармацыйна-прававых рэсурсаў у штодзённай рабоце спецыялістамі любога профілю, асабліва тымі, хто працуе з людзьмі:
«Для любога прафесіянала важнае значэнне мае ўдасканаленне прававых ведаў і ўменне прымяняць іх на практыцы. Пры гэтым асноўнай крыніцай гэтых ведаў, без усялякіх сумневаў, з'яўляюцца дзяржаўныя інфармацыйна-прававыя рэсурсы, фарміраванне якіх ажыццяўляе Цэнтр».
Намеснік дырэктара расказаў аб напрамках ідэалагічнай работы і пярвічных арганізацыях грамадскіх аб'яднанняў «БРСМ», «Белая Русь» і «Беларускі рэспубліканскі Саюз юрыстаў», створаных у НЦПІ.
Старшыня прафкама НЦПІ Таццяна Рэуцкая ў выступе падрабязна асвятліла працу першаснай прафсаюзнай арганізацыі.
«Наш прафсаюз быў створаны практычна з моманту заснавання Цэнтра – у 1998 годзе, – адзначыла Таццяна Васільеўна. – З самага пачатку адміністрацыя НЦПІ і прафсаюз прыйшлі да ўзаемнай згоды аб заключэнні калектыўнай дамовы. І вось ужо больш за 25 гадоў названы лакальны прававы акт паспяхова прымяняецца на карысць работнікаў».
Старшыня прафкаму прывяла статыстыку: «У НЦПІ працуе 250 чалавек. У прафсаюзе Цэнтра знаходзяцца работнікі НЦПІ і РЦПІ г. Мінска і Мінскай вобласці, работнікі іншых філіялаў знаходзяцца на прафсаюзным уліку на месцах пры аблвыканкамах. З усіх членаў прафсаюза 46 чалавек – моладзь ва ўзросце да 31 года».
Таксама Таццяна Васільеўна расказала гасцям, аб рабоце, якая праводзіцца ў калектыве:
«У арганізацыі створана спрыяльная матывацыйная атмасфера. Дзейнічае эфектыўная сістэма матэрыяльнага і маральнага заахвочвання, арганізуюцца мерапрыемствы па ўмацаванні здароўя, а таксама па стварэнні дастойных умоў працы».
Прафсаюзнаму актыву быў прадэманстраваны прэзентацыйны фільм «25 фактаў аб НЦПІ», які распавядае аб праектах і дасягненнях нашай арганізацыі.
Вядучы спецыяліст Марына Галаенка расказала слухачам аб інфармацыйным напаўненні і функцыянальных магчымасцях дзяржаўных інфармацыйна-прававых рэсурсаў: Нацыянальнага прававога Партала, сістэмы «ЭТАЛОН-ONLINE», Прававога форуму Беларусі і Дзіцячага прававога сайта. Таксама была асветлена роля сацыяльных медыя Цэнтра ў давядзенні да грамадзян дакладнай прававой інфармацыі і павышэнні прававой культуры грамадства.
Напрыканцы сустрэчы адбылася канструктыўная дыскусія па абазначаных тэмах.
