9 красавіка дырэктар РЦПІ Мінскай вобласці Руслан Трухан абмеркаваў пытанні выкарыстання дзяржаўных інфармацыйна-прававых рэсурсаў са слухачамі курсаў павышэння кваліфікацыі пры Мінскім абласным выканаўчым камітэце.
Яго ўдзельнікамі сталі прадстаўнікі службаў «адно акно», аддзелаў па рабоце са зваротамі грамадзян і юрыдычных асоб рай- і гарвыканкамаў, якія кіруюць справамі сельвыканкамаў Мінскай вобласці. Работнікі, якія ў сваёй штодзённай рабоце сутыкаюцца з пытаннямі і зваротамі жыхароў рэгіёну, а таксама ажыццяўляюць адміністрацыйныя працэдуры.
У рамках сустрэчы дырэктар РЦПІ Мінскай вобласці Руслан Трухан асвятліў пытанні функцыянавання ДСПІ, выкарыстання інфармацыйна-прававых рэсурсаў: Нацыянальнага прававога Партала, Правога форума Беларусі, сістэм «ЭТАЛОН» і «ЭТАЛОН-ONLINE». Руслан Іванавіч расказаў аб каардынуючай ролі Цэнтра. З прычыны таго, што большасць удзельнікаў сустрэчы на сваіх працоўных месцах выкарыстоўваюць сістэму «ЭТАЛОН-ONLINE», асаблівая ўвага была нададзена яе асноўным і дадатковым опцыям, а таксама карысным сэрвісам.
– Выкарыстанне дакладных, правераных крыніц прававой інфармацыі ў рабоце з насельніцтвам, дзелавой перапісцы, адказах на звароты грамадзян, з'яўляецца залогам прафесійнага выканання сваіх службовых абавязкаў, – акцэнтаваў увагу ўдзельнікаў Руслан Іванавіч.
Таксама слухачы скарысталіся магчымасцю задаць пытанні, якія датычацца тэхнічнай падтрымкі рэсурсаў НЦПІ, афіцыйнага апублікавання прававых актаў, у тым ліку, актаў мясцовых органаў кіравання і самакіравання, тэхналогіі фарміравання банкаў даных лакальных прававых актаў рай-, гарвыканкамаў, іх выкарыстання ў рабоце. У тэматычнай дыскусіі прыняў удзел вядучы спецыяліст РЦПІ Мінскай вобласці Аляксандр Сенажацкі.
Па выніках сустрэчы кожны слухач атрымаў імянны сертыфікат аб праходжанні навучання па рабоце з ДІПР.