0
25 сакавіка РЦПІ Мінскай вобласці арганізаваў семінар-практыкум для слухачоў курсаў павышэння кваліфікацыі Мінскага абласнога інстытута развіцця адукацыі.
Удзел у мерапрыемстве прынялі кіраўнікі і намеснікі начальнікаў упраўленняў па адукацыі гарадскіх і раённых выканаўчых камітэтаў Мінскай вобласці, а таксама асобы, уключаныя ў рэзерв на названыя пасады.
Падчас сустрэчы вядучы спецыяліст філіяла Цэнтра Аляксандр Сенажацкі расказаў аб дзяржаўнай сістэме прававой інфармацыі, напрамках дзейнасці НЦПІ і яго рэсурсах. Вялікую цікавасць у слухачоў выклікала інфармацыя аб Дзіцячым прававым сайце, яго функцыянале і напаўненні. Як было адзначана спікерам, Дзіцячы прававы сайт – гэта унікальны інтэрнэт-рэсурс, які дынамічна развіваецца.
Раздзелы сайта змяшчаюць інфармацыю аб дзяржаўным ладзе, гісторыі краіны, кібербяспецы, прававую бібліятэку, гульні, конкурсы, парады карыстальнікам інтэрнэту, а таксама метадычныя распрацоўкі для педагогаў, карысныя памяткі для бацькоў і шмат іншай інфармацыі. Усё гэта, несумненна, з'яўляецца зручнай прыладай у арганізацыі адукацыйнай і выхаваўчай дзейнасці.
«Вельмі важна, каб дзеці ведалі і разумелі свае правы. Але яшчэ больш важна, каб яны ўсведамлялі адказнасць за ўчынкі.Таму НЦПІ надаецца асаблівая ўвага давядзенню прававой інфармацыі як да непаўналетніх, так і да дарослых, якія працуюць з дзіцячай аўдыторыяй. Упэўнены, на нашых рэсурсах кожны можа знайсці актуальную і карысную інфармацыю, каб расказаць дзецям аб праве даступна», – адзначыў спецыяліст абласнога філіяла Цэнтра.
Па выніках усе ўдзельнікі семінара атрымалі імянныя сертыфікаты Цэнтра аб праходжанні навучання па рабоце з дзяржаўнымі інфармацыйна-прававымі рэсурсамі.
