0
15 студзеня 2020 г. у Авальнай зале Дома Урада адбыўся семінар для дэпутатаў Палаты прадстаўнікоў Нацыянальнага сходу Рэспублікі Беларусь па азнаямленні з інфармацыйна-пошукавай сістэмай «ЭТАЛОН» і іншымі дзяржаўнымі інфармацыйнымі рэсурсамі, у якім прынялі ўдзел работнікі НЦПІ.
З прывітальным словам да прысутных звярнуўся намеснік дырэктара НЦПІ Бякета Вячаслаў Мечыслававіч, ён абазначыў актуальныя кірункі развіцця дзяржаўных інфармацыйна-прававых рэсурсаў з выкарыстаннем перадавых тэхналогій у сферы прававой інфарматызацыі.
Намеснік начальніка ўпраўлення рэдакцыйна-выдавецкіх работ Сазончык Вольга Уладзіміраўна выступіла з дакладам на тэму «Тэхналогія фарміравання і вядзення Нацыянальнага рэестра прававых актаў Рэспублікі Беларусь, афіцыйнае апублікаванне прававых актаў на Нацыянальным прававым Інтэрнэт-партале Рэспублікі Беларусь».
Начальнік аддзела распаўсюджвання і работы з карыстальнікамі ўпраўлення распаўсюджвання прававой інфармацыі Пенязь Валянцін Канстанцінавіч азнаёміў удзельнікаў мерапрыемства з інфармацыйна-пошукавымі сістэмамі «ЭТАЛОН» і «ЭТАЛОН-ONLINE», прывёў прыклады магчымага эфектыўнага выкарыстання названых рэсурсаў у дзейнасці дэпутацкага корпуса.
У рамках мерапрыемства яго ўдзельнікі абмяняліся меркаваннямі і адказалі на актуальныя пытанні.
