28 лютага 2019 г. Нацыянальны цэнтр прававой інфармацыі Рэспублікі Беларусь (НЦПІ) наведалі Старшы саветнік па правах чалавека Офіса Пастаяннага каардынатара ААН у Беларусі Матыльда Богнер і спецыяліст па прававых пытаннях у галіне развіцця Ганна Таляронак, а таксама старшы саветнік Галоўнага ўпраўлення шматбаковай дыпламатыі МЗС Беларусі Іна Васілеўская.
Сустрэча была прысвечана пытанням узаемадзеяння паміж Рэспублікай Беларусь і ААН у прававой сферы.
Госці былі праінфармаваны аб рэалізаваных у Рэспубліцы Беларусь мерах дзяржаўнай палітыкі ў галіне права, уключаючы эфектыўнае выкарыстанне і развіццё дзяржаўных інфармацыйна-прававых рэсурсаў, забеспячэнне доступу да афіцыйнай прававой інфармацыі і павышэнне ўзроўню прававой інфармаванасці грамадства.
Запрошаныя эксперты з цікавасцю ўспрынялі гэтую інфармацыю і адзначылі перспектыўнасць развіцця праектаў НЦПІ па забеспячэнні прававой дасведчанасці, у тым ліку неабароненых груп насельніцтва, і падтрымцы правядзення грамадскіх кансультацый па праектах нарматыўных прававых актаў.
Бакі абмеркавалі шэраг магчымых напрамкаў далейшага супрацоўніцтва.
Сустрэча прайшла ў канструктыўнай абстаноўцы.