0
18 лістапада 2019 г. напярэдадні Сусветнага дня дзіцяці, якi адзначаецца штогод 20 лістапада, Рэгіянальны цэнтр прававой інфармацыі Брэсцкай вобласці прыняў удзел у мерапрыемстве, арганізаваным на базе публічнага цэнтра прававой інфармацыі Брэсцкай цэнтральнай гарадской бібліятэкі ім. А.С. Пушкіна. Навучэнцы ДУА “Сярэдняя школа № 13 г. Брэста імя В.I. Хована” у гульнявой форме знаёміліся са сваімі правамі і абавязкамі, адказваючы на цікавыя пытанні і выконваючы прывабныя заданні.
Спецыяліст РЦПI Брэсцкай вобласці Галавiй Вольга Аляксандраўна пазнаёміла дзяцей з Дзіцячым прававым сайтам. Усе ўдзельнікі віктарыны атрымалі ад РЦПI флікеры з сімволікай сайта, а самым актыўным удзельнікам дасталiся яшчэ і блакноты.
