0
5 верасня 2019 г. на базе Упраўлення Дэпартамента выканання пакаранняў МУС Рэспублікі Беларусь па Брэсцкай вобласці спецыялістамі РЦПI праведзены семінар па рабоце з дзяржаўнымі інфармацыйна-прававымі рэсурсамі, якія фарміруюцца НЦПІ, для прадстаўнікоў цэнтраў эталоннай прававой інфармацыі (ЦЭПI), створаных на базе папраўчых устаноў, следчых ізалятараў крымінальна-выканаўчай сістэмы.
У рамках праведзенага мерапрыемства спецыялістам РЦПI Ляўчуком Аляксандрам прадэманстраваны функцыянальныя магчымасці ІПС "ЭТАЛОН" версіі 6.8.2.
Варта адзначыць, што ЦЭПI ствараюцца НЦПІ сумесна з Дэпартаментам выканання пакаранняў Міністэрства ўнутраных спраў Рэспублікі Беларусь у папраўчых установах, следчых ізалятарах крымінальна-выканаўчай сістэмы і лячэбна-працоўных прафілакторыях МУС РБ для прадастўлення эталоннай прававой інфармацыі асуджаным і грамадзянам, якія знаходзяцца ў лячэбна-працоўных прафілакторыях, а таксама прававога забеспячэння службовай дзейнасці работнікаў крымінальна-выканаўчай сістэмы. Такіх цэнтраў у рэспубліцы створана 68, з іх 9 знаходзяцца на тэрыторыі Брэсцкай вобласці.
