Рэгіянальны цэнтр прававой інфармацыі Брэсцкай вобласці прыняў удзел у абласным этапе рэспубліканскай акцыі "Мы - грамадзяне Беларусі!".
15 сакавіка 2021 года ў Музеі абароны Брэсцкай крэпасці старшыня Брэсцкага абласнога выканаўчага камітэта Юрый Шулейка і старшыня абласнога Савета дэпутатаў Юрый Наркевіч ўручылі пашпарты 21 таленавітаму школьніку вобласці, якія атрымалі поспех у вучобе, спорце, творчасці. Юнакам і дзяўчатам таксама падарылі Канстытуцыю Рэспублікі Беларусь і памятныя сувеніры ад Рэгіянальнага цэнтра прававой інфармацыі Брэсцкай вобласці, які выступіў партнёрам дадзенага мерапрыемства.
Ва ўрачыстай абстаноўцы з рук старшыні Брэсцкага гарвыканкама Аляксандра Рагачука, першага сакратара Брэсцкага гарадскога камітэта ГА БРСМ Аляксандра Зорына, а таксама ад спецыяліста РЦПI Брэсцкай вобласці Вольгі Галавiй пашпарты атрымалі таленавітыя хлопцы i дзяўчата - навучэнцы ўстаноў адукацыі г. Брэста.
Таксама дзецi атрымалі падарункі ад Рэгіянальнага цэнтра прававой інфармацыі Брэсцкай вобласці.
15 сакавіка адбылася сустрэча прадстаўнікоў Брэсцкага раённага выканаўчага камітэта з навучэнцамі ўстаноў адукацыі Брэсцкага раёна, якія вызначыліся ў вучобе, грамадскай дзейнасці, спорце, творчасці. Сустрэча прайшла на тэрыторыі Брэсцкай Чырванасцяжнай памежнай групы імя Ф.Э. Дзяржынскага. Рабятам ўручаны пашпарты, Канстытуцыя Рэспублікі Беларусь і сувеніры ад Нацыянальнага цэнтра прававой інфармацыі Рэспублікі Беларусь.
Рэгіянальны цэнтр прававой інфармацыі Брэсцкай вобласці выступіў суарганізатарам і партнёрам завяршальнага этапу абласной прававой гульні "QUIZ-Канстытуцыя". Удзельнікамі інтэлектуальнай віктарыны сталі 78 дзяцей з усёй Брэстчыны ва ўзросце ад 13 да 15 гадоў. Тром камандам пераможцам віктарыны ўручаны памятныя падарункі ад Нацыянальнага цэнтра прававой інфармацыі Рэспублікі Беларусь.