У зборнік уключаны Правілы дарожнага руху, зацверджаныя Указам Прэзідэнта Рэспублікі Беларусь ад 28 лістапада 2005 г. № 551 «О мерах по повышению безопасности дорожного движения», і іншыя нарматыўныя прававыя акты, якія датычацца бяспекі дарожнага руху.
Інфармацыйны змест зборніка стаў шырэйшым. У яго ўвайшлі новыя практыкаарыентаваныя матэрыялы на актуальныя тэмы: інфармацыя аб сродках персанальнай мабільнасці (электрасамакаты, монаколы, гіраскутары), аб парадку заключэння дагавора абавязковага страхавання грамадзянскай адказнасці ўладальнікаў транспартных сродкаў у электронным выглядзе, дзеяннях у выпадку ДТЗ з удзелам дзікіх жывёла, аб парадку і ўмовах афармлення паведамлення аб ДТЗ без удзелу супрацоўнікаў ДАІ.
Змест зборніка ўзгоднены з Упраўленнем Дзяржаўнай аўтамабільнай інспекцыі Міністэрства ўнутраных спраў Рэспублікі Беларусь і Беларускім бюро па транспартным страхаванні.
Выданне будзе карысным шырокаму колу ўдзельнікаў дарожнага руху (вадзіцеляў, пешаходаў, асоб, якія карыстаюцца сродкамі персанальнай мабільнасці; веласіпедыстаў і інш.), курсантаў і выкладчыкаў аўташкол, супрацоўнікаў ДАІ, работнікаў сферы страхавання.
Зборнік забяспечаны алфавітна-прадметным паказальнікам.