Тэматычны банк даных «Праца і прафсаюзны рух»

У банку даных «Праца і прафсаюзны рух» змешчаны законы Рэспублікі Беларусь, асноватворныя акты Кіраўніка дзяржавы, пастановы Урада Рэспублікі Беларусь і рэспубліканскіх органаў дзяржаўнага кіравання, якія рэгулююць працоўныя адносіны, стварэнне спрыяльных умоў працы, абароны правоў і інтарэсаў работнікаў і наймальнікаў, іншыя грамадскія стасункі, звязаныя з дзейнасцю прафсаюзаў, вядзеннем калектыўных перагавораў, узаемаадносінамі паміж работнікамі (іх прадстаўнікамі) і наймальнікамі, разглядам працоўных спрэчак, а таксама міжнародныя прававыя акты ў сферы працы, занятасці, сацыяльнай абароны і прафсаюзнага руху, Канвенцыі Міжнароднай арганізацыі працы, ратыфікаваныя Рэспублікай Беларусь.

Прававыя акты сістэматызаваныя па наступных тэматычных раздзелах:

• Агульныя пытанні працоўнага заканадаўства;
  
• Працоўны дагавор. Кантракт;
  
• Заработная плата;
  
• Гарантыі і кампенсацыі;
  
• Працоўны час;
  
• Час адпачынку;
  
• Працоўная дысцыпліна;
  
• Ахова працы;
  
• Асаблівасці рэгулявання, аплаты і арганізацыі працы асобных катэгорый работнікаў;
  
• Працоўны стаж і выслуга гадоў;
  
• Дзейнасць прафесійных саюзаў;
  
• Рашэнне калектыўных працоўных спрэчак;
  
• Адказнасць работнікаў і наймальнікаў;
  
• Заканадаўства аб працаўладкаванні і занятасці насельніцтва;
  
• Грамадскія работы;
  
• Дзяржаўны фонд садзейнічання занятасці;
  
• Міжнародна-прававыя акты ў сферы працы, занятасці, сацыяльнай абароны;
  
• Дакументы Міжнароднай арганізацыі працы.

Тэксты прававых актаў, размешчаныя ў банку даных, знаходзяцца ў актуальным стане. Інфармацыйнае напаўненне банка даных увесь час пашыраецца па меры паступлення ў НЦПІ дакументаў азначанай тэматыкі.

Азнаёміцца з поўным спісам дакументаў, якія ўваходзяць у тэматычны банк даных «Праца і прафсаюзны рух», можна ў ІПС «ЭТАЛОН-ONLINE».