Тэматычны банк даных «Правы непаўналетніх»

У банку даных «Правы непаўналетніх» змешчаны законы Рэспублікі Беларусь, асноватворныя акты Кіраўніка дзяржавы, пастановы Урада Рэспублікі Беларусь і рэспубліканскіх органаў дзяржаўнага кіравання; міжнародныя прававыя акты, якія маюць дачыненне да прававога становішча дзяцей, атрымання імі адукацыі, працоўнай дзейнасці, пытанняў, звязаных з прафілактыкай безнагляднасці непаўналетніх, іх адказнасці, а таксама прававыя акты па супрацьдзеянні гандлю людзьмі.

Прававыя акты сістэматызаваныя па наступных тэматычных раздзелах:

Канстытуцыя Рэспублікі Беларусь;
Грамадзянства, месца жыхарства, выезд за мяжу Рэспублікі Беларусь, імя дзіцяці;
Правы дзіцяці;
Сацыяльна-эканамічныя, культурныя правы непаўналетніх, моладзі;
Моладзевая палітыка;
Сацыяльна-эканамічная і грамадзянска-прававая абарона;
Канстытуцыйныя і іншыя абавязкі;
Прафілактыка безнагляднасці і правапарушэнняў непаўналетніх;
Супрацьдзеянне гандлю людзьмі.

Тэксты прававых актаў, размешчаныя ў банку даных, знаходзяцца ў актуальным стане. Інфармацыйнае напаўненне банка даных увесь час павялічваецца па меры паступлення ў НЦПІ дакументаў азначанай тэматыкі.

Азнаёміцца з поўным спісам дакументаў, якія ўваходзяць у тэматычны банк даных «Правы непаўналетніх», можна ў ІПС «ЭТАЛОН-ONLINE».