Рэгіянальны цэнтр прававой інфармацыі Віцебскай вобласці актыўна супрацоўнічае з дзяржаўнымі органамі і арганізацыямі ў сферы прававой асветы грамадзян.
Чарговая сустрэча з прадстаўнікамі дзяржаўных органаў адбылася 17 верасня 2021 г. у Пастаўскім раёне. Дырэктар РЦПІ Віцебскай вобласці Ларыса Дорагава прыняла ўдзел у пасяджэнні Пастаўскага раённага выканаўчага камітэта. У рамках пасяджэння Л.Дорагавой асветлены пытанні развіцця дзяржаўнай палітыкі ў сферы прававой інфарматызацыі, выкарыстання арганізацыямі Пастаўскага раёна дзяржаўных інфармацыйна-прававых рэсурсаў, прымяненне заканадаўства аб распаўсюдзе прававых актаў і іх размяшчэнні на сайтах дзяржаўных органаў і арганізацый.
У гэты ж дзень для работнікаў устаноў адукацыі Пастаўскага раёна і навучэнцаў спецыялістамі РЦПІ Віцебскай вобласці праведзены навучальныя мерапрыемствы.
Для педагагічных работнікаў праведзена прэзентацыя дзяржаўных інфармацыйна-прававых рэсурсаў, дадзены тлумачэнні па іх выкарыстанні і праведзена навучанне па працы з ІПС «ЭТАЛОН» і «ЭТАЛОН-ONLINE» у камп'ютарным класе.
Асаблівая ўвага была ўдзелена спецыялізаваным банкам дадзеных «Адукацыя» і «Правы непаўналетніх», якія створаны для работнікаў сферы адукацыі. Структураваныя дакументы дазваляюць дасканала разабрацца ў пытаннях прававога рэгулявання ў сферы адукацыі, навучання і выхавання, аздараўлення дзяцей, іх сацыяльнай абароны, асаблівасцях рэгулявання працы педагагічных работнікаў.
Для юных грамадзян Пастаўскага раёна, навучэнцаў 5 класа Пастаўскай гімназіі, спецыялістам РЦПІ Юліяй Дзірко праведзены інтэрактыўны занятак «Па старонках дзіцячага прававога сайта». Падарожнічаючы па сайце, хлопцы паглядзелі прэзентацыю і здзейснілі займальнае падарожжа ў свет права, даведаліся незвычайныя законы розных краін, пазнаёміліся з цікавымі фактамі з гісторыі правоў чалавека і іншай карыснай інфармацыяй.
У завяршэнне мерапрыемства школьнікі годна прадэманстравалі свае веды ў галіне права, праявіўшы актыўнасць у адказах на пытанні прававой віктарыны. Прававая віктарына завяршылася памятнымі падарункамі ад НЦПІ.