6 ліпеня ў межах супрацоўніцтва з Акадэміяй кіравання пры Прэзідэнце Рэспублікі Беларусь праведзены азнаямленчыя заняткі па пытаннях функцыянавання дзяржаўнай сістэмы прававой інфармацыі са студэнтамі 1 курса дзённай формы атрымання адукацыі Інстытута кіраўніцкіх кадраў.
Адкрыў заняткі намеснік дырэктара Віктар Шаршун, які распавёў пра актуальныя напрамкі развіцця і функцыянавання дзяржаўнай сістэмы прававой інфармацыі.
Пра інфармацыйна-пошукавыя сістэмы «ЭТАЛОН» і «ЭТАЛОН-ONLINE» распавяла Ганна Новік, спецыяліст упраўлення распаўсюджвання прававой інфармацыі.
Прэзентацыю дзяржаўных інфармацыйна-прававых рэсурсаў НЦПІ ў сетцы Інтэрнэт правёў Сяргей Цымбаревіч, вядучы спецыяліст упраўлення інфармацыйнай палітыкі і інтэрнэт-рэсурсаў.
Пасля заканчэння мерапрыемства ўсім яго ўдзельнікам былі ўручаны сертыфікаты на прадастаўленне доступу да ІПС «ЭТАЛОН-ONLINE».