19 жніўня 2019 г. адбыўся сход, прысвечаны справаздачы і выбарам новага складу прафсаюзнага камітэта.
Дзейнасць першаснай прафсаюзнай арганізацыі НЦПІ ажыццяўляецца практычна з моманту заснавання Цэнтра. Паміж наймальнікам і работнікамі НЦПІ заключаны Калектыўны дагавор, нормы якога безумоўна захоўваюцца.
Старшыня першаснай арганізацыі Рэуцкая Таццяна Васільеўна зачытала справаздачу перад працоўным калектывам аб выніках праведзенай пяцігадовай работы, а таксама аб выкананні наймальнікам умоў Калектыўнага дагавора.
У сходзе ўзяў удзел Філімонаў Уладзімір Мікалаевіч – старшыня Мінскай абласной арганізацыі Беларускага прафсаюза работнікаў дзяржаўных і іншых устаноў.
У сваім выступленні Філімонаў У.М. падкрэсліў важнасць ролі прафсаюзаў у грамадстве, праінфармаваў аб структуры і колькасці прафсаюзных арганізацый, перспектыўных кірунках дзейнасці і Мінскай арганізацыі прафсаюза, і ўсяго прафсаюзнага руху Беларусі ў цэлым.
Вышэйшымі грамадскімі арганізацыямі адзначана плённая дзейнасць наймальніка і прафсаюза НЦПІ, якая спрыяе дасягненню агульнай мэты – рэалізацыі права на працу, дасягненню годнага ўзроўню жыцця супрацоўнікаў.
За ўмацаванне і развіццё сацыяльнага партнёрства, актыўную работу па абароне працоўных, сацыяльна-эканамічных і законных інтарэсаў членаў прафсаюза дырэктар НЦПІ Каваленка Я.І. узнагароджаны Граматай Рэспубліканскага камітэта Беларускага прафсаюза работнікаў дзяржаўных і іншых устаноў, а старшыня прафкама Цэнтра Рэуцкая Т.В. – Граматай Мінскага абласнога камітэта прафсаюза.
На сходзе абраны новы склад прафсаюзнага камітэта, куды ўвайшлі прадстаўнікі структурных падраздзяленняў НЦПІ.
Фота – НЦПI