0
28 ліпеня ў НЦПІ прайшоў Адзіны дзень інфармавання з удзелам старшыні Беларускай гандлёва-прамысловай палаты Уладзіміра Улаховіча.
Уладзімір Яўгенавіч акрэсліў асноўныя аспекты інвестыцыйнай прывабнасці Рэспублікі Беларусь, яе экспартнага патэнцыялу, фарміравання пазітыўнага іміджу і пазнавальнасці беларускіх брэндаў і краіны ў цэлым.
Прагучала важная інфармацыя аб рабоце БелГПП і яе ролі ў прасоўванні беларускіх брэндаў на міжнародных рынках, да якіх адносяцца рэгістрацыя таварных знакаў, выдача сертыфікатаў, правядзенне выставак, перамоў, сумесных праектаў, аказанне кансультацыйнай дапамогі і інш.
Непадробную цікавасць у работнікаў выклікалі прыклады з практычнага вопыту правядзення такіх мерапрыемстваў, а таксама папулярнасці і пазнавальнасці беларускіх тавараў у краінах далёкага і блізкага замежжа. У прыватнасці – распрацоўкі ў сферы IT-тэхналогій, прадукцыя беларускага машынабудавання, хімічнай прамысловасці, мэбля, тэкстыль. Магутны інавацыйны патэнцыял краіны прадэманстравалі прыклады ўнікальнай прадукцыі і распрацовак, якія вырабляюцца ў Беларусі, вядомыя і выкарыстоўваюцца ва ўсім свеце.
«На сучасным этапе галоўная задача – гэта захаваць існуючыя дасягненні ў розных абласцях і капіталізаваць іх у пазітыўны імідж краіны», – адзначыў старшыня БелГПП.
Перад пачаткам мерапрыемства ва ўрачыстай абстаноўцы шэраг супрацоўнікаў НЦПІ былі ўзнагароджаны Ганаровымі граматамі НЦПІ і Падзякамі дырэктара НЦПІ за добрасумленную і эфектыўную работу, дасягненне высокіх вынікаў у працоўнай дзейнасці.
(фото – Аляксандр Кушнер; НЦПІ)
