29 снежня 2022 г. на YouTube– канале НЦПІ адбыўся фінальны адкрыты семінар 2022 года. Яго тэмай сталі навацыі заканадаўства ў сферы аграэкатурызму.
Нагадаем, што з 1 студзеня 2023 г. уступаюць у сілу асноўныя палажэнні Указа Прэзідэнта Рэспублікі Беларусь ад 4 кастрычніка 2022 г. № 351 «О развитии агроэкотуризма». Дакумент накіраваны на ўдасканаленне рэгулявання дзейнасці ў сферы аграэкатурызму, павышэнне якасці паслуг, выключэнне магчымасці весці гатэльны або рэстаранны бізнес пад выглядам аграэкасядзіб, абарону правоў грамадзян, што пражываюць у суседстве з імі.
З новаўвядзеннямі, якія неабходна ўлічваць пры вядзенні дзейнасці ў гэтай сферы, гледачоў пазнаёміў Аляксандр Крэчатаў, галоўны юрысконсульт Дэпартамента па турызме Міністэрства спорту і турызму.
Спікер падрабязна асвятліў асноўныя палажэнні Указа № 351, расказаў аб неабходнасці выканання ўстаноўленых адміністрацыйных працэдур, а таксама санітарных норм і правілаў, вызначаных заканадаўствам.
Падчас эфіру былі дадзены адказы на пытанні, якія паступілі.
Калі вы не паспелі паглядзець семінар у прамым эфіры, глядзіце яго ў запісе тут.
Падпісвайцеся наYouTube – канал НЦПІ і глядзіце семінары аб навацыях заканадаўства!