Кіраўнік аддзялення Пасольства Беларусі ў Расіі ў г. Хабараўску Аляксандр Бабцоў наведаў цэнтры доступу да беларускага заканадаўства, створаныя на базе Далёкаўсходняй дзяржаўнай навуковай бібліятэкі і Хабараўскага дзяржаўнага ўніверсітэта эканомікі і права.
Падчас візіту кіраўнікам названых устаноў у межах пашырэння інфармацыйна-прававога фонду цэнтраў эталоннай прававой інфармацыі перададзены друкаваныя выданні прававой тэматыкі, выпушчаныя Нацыянальным цэнтрам прававой інфармацыі Рэспублікі Беларусь (НЦПІ).
Наведвальнікі цэнтраў разам з доступам да актуальнага беларускага заканадаўства, да разнастайных правапрымяняльных матэрыялаў і судовых рашэнняў дадаткова атрымалі магчымасць працаваць з асноўнымі кодэксамі і законамі Рэспублікі Беларусь у друкаваным выглядзе.
Асноўнымі мэтамі стварэння і функцыянавання цэнтраў эталоннай прававой інфармацыі з’яўляюцца павышэнне прававой інфармаванасці і культуры іх наведвальнікаў, забеспячэнне навуковага, навучальнага, выхаваўчага, інфармацыйна-асветніцкага працэсаў.