0
18 мая супрацоўнікі Нацыянальнага цэнтра прававой інфармацыі Рэспублікі Беларусь наведалі парк гісторыі «Сула», дзе прайшла комплексная анімацыйная праграма «10 000 гадоў гісторыі Беларусі».
Экскурсія дала магчымасць адправіцца ў займальнае падарожжа скрозь стагоддзі і апынуцца ў атмасферы даўно мінулых эпох.
Перад брамай парку гасцей урачыста сустрэў распарадчык замка з музыкам і конным эскортам. У ходзе экскурсіі работнікі наведалі пляцоўку мегалітычнай культуры «кромлех», язычніцкае капішча з правядзеннем старажытнага славянскага абраду ачышчэння агнём, прыстань варагаў з катаннем па рацэ на дракары вікінгаў.
З вялікай цікавасцю экскурсанты пазнаёміліся з сярэднявечным кварталам. Госці даведаліся аб гісторыі замка, які зараз аднаўляецца, наведалі музей і збраёвую майстэрню, а таксама прынялі ўдзел у расколванні камянёў і каванні абярэга.
Наведванне парку, размешчанага на маляўнічым беразе аднайменнай ракі, і выдатнае сонечнае надвор’е дазволілі калектыву Цэнтра здзейсніць пазнавальную і займальную экскурсію, атрымаць мноства станоўчых эмоцый.
Фота – НЦПІ
