• VK
  • odnoklassniki
  • Facebook
  • Twitter
  • Youtube
  • Telegram
  • viber

Новая версія дзіцячага прававога сайта будзе запушчана 1 чэрвеня

28.05.2020

Новая версія дзіцячага прававога сайта будзе запушчана 1 чэрвеня

Издание : Звязда
Автор статьи : Ірына Сідарок

Новую версію Дзіцячага прававога сайта запусціць 1 чэрвеня, у Міжнародны дзень абароны дзяцей, Нацыянальны цэнтр прававой інфармацыі (НЦПІ). Гэта ўнікальны спецыялізаваны сайт па прававой адукацыі дзяцей і падлеткаў, створаны па ініцыятыве Адміністрацыі Прэзідэнта.

Детский правовой сайт: версия 2.0

Рэсурс mіr.pravo.by існуе ўжо 12 гадоў. Сёлета яго ўнеслі ў спіс інтэрнэт-рэсурсаў з адукацыйнымі праграмамі для малых падчас падоўжаных з-за пандэміі канікул. Тут дзеці могуць замацоўваць пройдзены матэрыял, набываць новыя веды, у тым ліку юрыдычныя, атрымліваць адказы на «дарослыя» пытанні і падказкі, што рабіць у складаных сітуацыях.

Уся інфармацыя на сайце падаецца ў займальнай і даступнай форме, у тым ліку праз гульні, а шукаць адказы на пытанне дапамагае віртуальнае Вараняня. Сайт разлічаны на дзяцей ад 6 да 16 гадоў. Малыя тут даведаюцца шмат цікавага пра розныя краіны, разгадаюць рэбусы і красворды, пройдуць тэсты. Падлеткі могуць таксама вывучыць «Юрыдычную азбуку», здзейсніць падарожжа ў свет фінансаў, вывучыць правілы дарожнага руху і высветліць, якія незвычайныя забароны і законы дзейнічаюць у іншых краінах.

У «Прававых лабірынтах» можна пазнаёміцца з «Жывой дэкларацыяй правоў дзіцяці», а яшчэ адправіцца ў «Падарожжа ў мінулае», каб даведацца пра мінулае нашай краіны і пазнаёміцца са славутымі продкамі. Падлеткі даведаюцца, як атрымаць пашпарт, уладкавацца на работу, набыць папулярнасць у школе, навучыцца правільна сябраваць і абараняць свае інтарэсы.

Новая версія 2.0, створаная пры падтрымцы прадстаўніцтва Дзіцячага фонду ААН ЮНІСЭФ у Беларусі, мае новы дызайн, рэалізуе новыя сучасныя тэхналогіі і інавацыйныя падыходы да падачы інфармацыі, палепшаную сістэму навігацыі і новыя сэрвісы. Сайтам таксама стане зручней карыстацца праз смартфоны і планшэты. Стваральнікі абяцаюць, што дзецям будзе яшчэ цікавей авалодваць новымі ведамі і падарожнічаць па свеце юрыдычнай і прававой інфармацыі.

Ірына Сідарок, «Звязда», 28 мая 2020 г.

28 мая 2020Г.
Pravo.by
Эталон ONLINE
Правовой форум
Детский правовой сайт
Подняться наверх