0
14 снежня адбыўся абласны тур ІІ Рэспубліканскага прававога турніру «Сіла Закона». Яго арганізатарамі выступаюць НЦПІ сумесна з Міністэрствам адукацыі і БРСМ пры падтрымцы БДУ, Беларускага рэспубліканскага саюза юрыстаў, Беларускай рэспубліканскай калегіі адвакатаў і Інстытута павышэння кваліфікацыі і перападрыхтоўкі Следчага камітэта.
Асноўнай мэтай праекта з’яўляецца прававая асвета старшакласнікаў, павышэнне іх цікавасці да заканадаўства.
«За перамогу ў абласным (Мінскім гарадскім) туры ІІ Рэспубліканскага турніру «Сіла Закона» спаборнічалі 410 пераможцаў раённага этапу, удзел у якім прынялі больш за 25 тыс. школьнікаў 9–11-х класаў з усёй рэспублікі, – расказаў намеснік дырэктара НЦПІ Вячаслаў Бякета. – Ён праходзіў у фармаце анлайн-тэсціравання на Дзіцячым прававым сайце. На працягу гадзіны ўдзельнікі павінны былі адказаць на 30 пытанняў на веданне Асноўнага Закона нашай краіны».
Інтэлектуальны конкурс быў арганізаваны на базе ўстаноў вышэйшай адукацыі ва ўсіх абласцях Беларусі.
Старшакласнікі г. Мінска і сталічнага рэгіёну праходзілі тэсціраванне на юрыдычным факультэце Белдзяржуніверсітэта.
Удзельнікаў турніру віталі намеснік дэкана юрыдычнага факультэта па навукова-адукацыйнай дзейнасці, дацэнт кафедры тэорыі і гісторыі дзяржавы і права Беларускага дзяржаўнага ўніверсітэта Сяргей Калінін, дырэктар РЦПІ г. Мінска Руслан Века, першы сакратар Мінскага абласнога камітэта БРСМ Аляксандр Дзічкоўскі і намеснік старшыні Мінскай абласной калегіі адвакатаў Кацярына Чайко.
Пасля праходжання тэста для школьнікаў была арганізавана прафарыентацыйная гадзіна па тэме «Дзяржаўная сістэма прававой інфармацыі (аб забеспячэнні рэалізацыі правоў грамадзян і юрыдычных асоб на атрыманне поўнай, дакладнай і своечасовай прававой інфармацыі)», якую правёў дырэктар Мінскага абласнога філіяла Руслан Трухан. У сваім выступленні Руслан Іванавіч адзначыў ролю НЦПІ ў рэалізацыі прававой асветы моладзі, расказаў аб інфармацыйна-прававых рэсурсах Цэнтра, адказаў на пытанні вучняў.
Пераможцамі абласнога этапу сярод удзельнікаў з Мінскай вобласці сталі:
Барыс Буцько (сярэдняя школа № 1 Лагойскага раёна);
Максім Пляханаў (сярэдняя школа № 3 г. Любані імя Г.Л.Сячко);
Дзмітрый Галянкоў (Крупская раённая гімназія).
У горадзе Мінску перамаглі:
Дзмітрый Краўчынскі (сярэдняя школа № 196 г. Мінска);
Ульяна Чуеўская (сярэдняя школа № 93 г. Мінска);
Соф’я Акімава (гімназія № 24 г. Мінска).
У рамках правядзення турніру ва ўсіх абласцях адбыліся адкрытыя дыялогі з дэканамі факультэтаў, прадстаўнікамі НЦПІ і яго філіялаў, БРСМ, падчас якіх юнакі і дзяўчаты змаглі атрымаць падрабязную інфармацыю аб магчымасцях атрымання адукацыі юрыдычнага профілю і адказы на свае пытанні.
Удзельнікаў турніру з Брэсцкай вобласці прынялі ў Брэсцкім дзяржаўным універсітэце імя А.С.Пушкіна.
Пераможцамі абласнога этапу Брэсцкага рэгіёна сталі:
Марат Гардзей (сярэдняя школа № 21 г. Баранавічы);
Крысціна Гарадзецкая (гімназія г. Драгічына);
Анастасія Цывуньчык (сярэдняя школа № 9 г. Баранавічы).
Удзельнікі з Віцебскай вобласці прыехалі ў Віцебскі дзяржаўны ўніверсітэт імя П.М.Машэрава.
Пераможцамі абласнога этапу Віцебскага рэгіёна сталі:
Глеб Свілёнак (Германавіцкая сярэдняя школа Шаркаўшчынскага раёна);
Дар’я Маліноўская (сярэдняя школа № 1 г.п. Шаркаўшчына);
Максім Гусакоў (гімназія № 2 г. Оршы).
Вучні з Гродзенскай вобласці праходзілі тэсціраванне ў Гродзенскім дзяржаўным універсітэце імя Янкі Купалы.
Пераможцамі абласнога этапа ў Гродзенскім рэгіёне сталі:
Лізавета Лабачэўская (сярэдняя школа № 3 г. Ашмяны);
Соф’я Ткач (гімназія № 1 г. Ліды);
Арына Крывазубава (сярэдняя школа № 8 г. Ліды).
Удзельнікаў з Гомельскай вобласці сустрэлі ў Гомельскім дзяржаўным універсітэце імя Францыска Скарыны.
Пераможцамі абласнога этапу ў Гомельскім рэгіёне сталі:
Анастасія Куцарэнка (Лоеўская сярэдняя школа імя А.В.Казлова);
Саша Андык (сярэдняя школа № 26 г. Гомеля);
Аляксандра Самастроенка (Ціхініцкая сярэдняя школа імя А.А.Осіпава).
У Магілёўскай вобласці месцам правядзення чарговага этапу турніру стаў «БІП-Універсітэт права і сацыяльна-інфармацыйных тэхналогій».
Перамогу ў абласным этапе ў Магілёўскім рэгіёне атрымалі:
Вераніка Яўсеенка (Слаўгарадскі раён);
Іван Радзевіч (г. Клімавічы);
Аляксандра Мініна (г. Круглае).
Усім удзельнікам былі ўручаны сертыфікаты ІІ Рэспубліканскага прававога турніру «Сіла Закона», пераможцы атрымалі дыпломы і падарункі ад арганізатараў.
Віншуем пераможцаў і жадаем поспехаў у рэспубліканскім фінале!
Імёны пераможцаў турніру стануць вядомыя 21 снежня па выніках фіналу, у якім прымуць удзел пераможцы другога тура. За званне лепшых будзе спаборнічаць 21 чалавек ад вобласці і г. Мінска.
