6 жніўня адбылася ўрачыстая цырымонія ўзнагароджання пераможцаў і прызёраў фотаконкурсу «Юны веласіпедыст», аб'яўленага РЦПІ Гомельскай вобласці і абласной Дзяржаўтаінспекцыяй.
Фотаконкурс выклікаў вялікую цікавасць сярод дзяцей, іх бацькоў, а таксама ўстаноў адукацыі вобласці. Яго мэтай з'яўляліся прафілактыка і папярэджанне ДТЗ з удзелам непаўналетніх веласіпедыстаў, выхаванне законапаслухмяных удзельнікаў дарожнага руху, папулярызацыя Дзіцячага прававога сайта. Фотаздымкі не пераставалі паступаць да самага падвядзення вынікаў.
Па добрай традыцыі падарункі ад НЦПІ і дыпломы пераможцам уручылі дырэктар РЦПІ Гомельскай вобласці Яўгенія Маісейкіна і намеснік начальніка Упраўлення ДАІ УУС Гомельскага аблвыканкама Сяргей Бандарэнка. Мерапрыемства суправаджалася тэматычным прадстаўленнем ад аніматараў г. Гомеля «Керри Шоу», якія ўнеслі асобыя фарбы і падарылі вясёлы настрой дзецям.
У канцы цырымоніі ад кіраўніцтва ДАІ Гомельскай вобласці была ўручана падзяка дырэктару РЦПІ Гомельскай вобласці за шматгадовае плённае супрацоўніцтва ў вобласці аказання дапамогі па прапагандзе бяспекі дарожнага руху на тэрыторыі Гомельскай вобласці і папулярызацыі прававых рэсурсаў НЦПІ.
Прызёрамі фотаконкурсу сталі Ульяна Каверына, Дзямід Архіпаў, Аліса Туравец, Ілья Ганчароў, Сяргей Данільчанка, Марта Кунчукіна, Уладзіслаў Клімянкоў, ДУА «Яслі-сад № 9 г. Гомеля», «Яслі-сад № 50 г. Гомеля», «Сярэдняя школа № 67 г. Гомеля».
У намінацыі «Прыз глядацкіх сімпатый» перамог Аляксандр Бятанаў.
Віншуем пераможцаў!
И гайда на mir.pravo.by!
Фота – РЦПІ Гомельскай вобласці