У краіне актыўна адзначаецца адно з самых важных дзяржаўных святаў – Дзень Незалежнасці Рэспублікі Беларусь. Да ўдзелу ў святочных мерапрыемствах, што праходзяць у сталіцы і ў абласных цэнтрах, далучыліся работнікі Нацыянальнага цэнтра прававой інфармацыі Рэспублікі Беларусь і яго рэгіянальных прадстаўніцтваў.
2 ліпеня супрацоўнікі НЦПІ і РЦПІ г. Мінска ўсклалі кветкі да мемарыяла «Памяць» – брацкай магілы на праспекце Дзяржынскага ў г. Мінску.
Мемарыяльны комплекс размешчаны на месцы брацкай магілы, дзе пахаваныя 35 савецкіх воінаў, загінулых пры абароне Мінска ў гады Вялікай Айчыннай вайны. Побач з абеліскам і алеяй з зорак устаноўлена скульптурная кампазіцыя – вобраз пажылой жанчыны, якая сядзіць ля помніка, сціснуўшы ў руках салдацкую пілотку, як сімвал маці, што не дачакаліся сваіх сыноў з вайны і тужаць па іх.
У абласных цэнтрах таксама аддалі даніну павагі загінулым пры абароне і вызваленні Беларусі воінам.
Так, 30 чэрвеня прадстаўнікі калектыву РЦПІ Магілёўскай вобласці ўсклалі кветкі да мемарыяльнага комплексу «Буйніцкае поле».
Работнікі РЦПІ Брэсцкай вобласці 22 чэрвеня ў 2 гадзіны 30 хвілін прынялі ўдзел у мерапрыемстве «Брэст памятае» у Мемарыяльным комплексе «Брэсцкая крэпасць-герой». У рамках гэтага мерапрыемства былі ўскладзеныя кветкі да Вечнага агню і пліт мемарыяла, а таксама спушчаны на ваду Заходняга Буга вянок у памяць аб загінулых у Вялікай Айчыннай вайне.
У г. Гродна ў парку імя Жылібера супрацоўнікі РЦПІ Гродзенскай вобласці ўсклалі кветкі да Вечнага агню і помніка загінулым воінам.
Работнікі РЦПІ Гомельскай вобласці ўсклалі кветкі ля мемарыяла «Вечны агонь» на плошчы Працы ў г. Гомелі.
РЦПІ Віцебскай вобласці прыняў удзел у рэспубліканскім праекце «Беларусь – крыніца натхнення» і прававой віктарыне на радыё «Скіф», прымеркаванай да Дня Незалежнасці Рэспублікі Беларусь.