• VK
  • odnoklassniki
  • Facebook
  • Twitter
  • Youtube
  • Telegram
  • viber

Раўненне на лепшых – Дзіцячы прававы сайт у «Лідары»

Раўненне на лепшых – Дзіцячы прававы сайт у «Лідары»

18 студзеня НЦПІ правёў лікбез для ўдзельнікаў тэматычнай змены «Раўненне на лепшых» у адукацыйна-аздараўленчым цэнтры «Лідар». Старшакласнікі, сярод якіх напвучэнцы класаў, факультатыўных заняткаў і клубаў ваенна-патрыятычнай накіраванасці, якія дасягнулі высокіх вынікаў у вучэбнай і грамадскай дзейнасці, прынялі ўдзел у займальным інтэрактыве ад рэдактара Дзіцячага прававога сайта Марыны Галаенкі.

Маладыя людзі адправіліся ў падарожжа па старонках mir.pravo.by: зазірнулі ў «Прававую бібліятэку», навучыліся карыстацца «Прававой інфармацыяй», банкам даных «Свет Права». Таксама пагаварылі аб адміністрацыйнай і крымінальнай адказнасці, адрозненні правапарушэнняў ад злачынстваў.

І, вядома, не ўпусцілі магчымасці задаць цікавыя для падлеткаў пытанні (Ці можна гуляць у начны час? З якога ўзросту ісці на працу? Калі можна ўступіць у шлюб? Як рабіць буйныя пакупкі, атрымаць спадчыну, змяніць прозвішча?) і атрымаць адказы на іх.

«Атрымліваць новыя веды заўсёды карысна. Сёння высветлілася, што мы можам задаць любое пытанне аб сваіх правах на Дзіцячым прававым сайце, і яно не застанецца без адказу. Крута, калі аб складаных рэчах, такіх як прымяненне законаў, правы і адказнасць, рассказваюць простымі словамі. Такія інтэрактыўныя заняткі развіваюць», падзяліліся ўражаннямі школьнікі.

Яшчэ рабят зацікавіла прапанова стаць валанцёрамі Дзіцячага прававога сайта у якасці акцёраў і рэжысёраў відэаролікаў для дзяцей.

Падводзячы вынік, Марына Галаенка запрасіла падлеткаў да ўдзелу ў мерапрыемствах па прававой асвеце непаўналетніх, якія праводзяцца з удзелам НЦПІ: конкурсах, віктарынах, рэспубліканскім прававым турніры «Сіла Закона»:

«Вывучайце правы, павышайце сваю прававую культуру. Быдзьце дастойнымі грамадзянамі нашай краіны. А ў самаадукацыі і атрыманні інфармацыі вам будзе памочнікам Дзіцячы прававы сайт. Варта толькі зрабіць клік … ну, і падзяліцца з сябрамі, вядома!».

Даведачна

ДУА «Мінскі гарадскі адукацыйна-аздараўленчы цэнтр «Лідар» і НЦПІ звязвае шматгадовае супрацоўніцтва. Работнікі НЦПІ праводзяць мерапрыемствы для ўдзельнікаў тэматычных змен, накіраваныя на фарміраванне прававой культуры непаўналетніх, удзельнічаюць у фестывалі школьнікаў і студэнтаў «Медыяцыя будучыні» і курсах павышэння кваліфікацыі педагогаў, якія праходзяць у сценах цэнтра.

19 января 2023 Г.
Pravo.by
Эталон ONLINE
Правовой форум
Детский правовой сайт
Подняться наверх