5 ліпеня намеснік дырэктара НЦПІ Вячаслаў Бякета прыняў удзел у пасяджэнні праўлення Беларускай натарыяльнай палаты. Праўленне сустрэлася ў поўным складзе, у тым ліку на пасяджэнні прысутнічаў намеснік Міністра юстыцыі Мікалай Старавойтаў.
У ходзе пасяджэння ва ўрачыстай абстаноўцы былі прыняты ў члены БНП новыя натарыусы, якія паспяхова здалі кваліфікацыйны экзамен у Міністэрстве юстыцыі Рэспублікі Беларусь. Натарыяльную дзейнасць у Мінскай абласной натарыяльнай акрузе будзе ажыццяўляць Кацярына Дзевянчук, а ў Брэсцкай натарыяльнай акрузе – Святлана Лапіч.
Сертыфікат доступу на год да ІПС «ЭТАЛОН-ONLINE» уручыў Вячаслаў Бякета. Дадзены сертыфікат дае магчымасць атрымання поўнай, дакладнай, актуальнай афіцыйнай прававой інфармацыі.
Фото – БНП