11 лістапада ў г. Санкт-Пецярбургу ў вочным і дыстанцыйным фарматах прайшла XII Міжнародная навукова-практычная канферэнцыя па пытаннях прававога рэгулявання ў электронным асяроддзі «Права і інфармацыя: пытанні тэорыі і практыкі», арганізаваная Прэзідэнцкай бібліятэкай імя Б.М.Ельцына.
У рабоце канферэнцыі дыстанцыйны ўдзел прынялі супрацоўнікі НЦПІ.
У рамках навуковага мерапрыемства была асветлена тэматыка забеспячэння доступу да прававой інфармацыі, абароны інфармацыі, тэорыі інфармацыйнага права, практыкі яго рэалізацыі і прымянення, удасканалення інфармацыйнага заканадаўства, а таксама разгледжаны іншыя актуальныя пытанні сучаснай юрыспрудэнцыі.
Намеснік дырэктара НЦПІ Вячаслаў Бякета выступіў з дакладам на тэму «Актуальныя пытанні развіцця сістэмы доступу грамадзян Рэспублікі Беларусь да прававой інфармацыі». У выступленні былі разгледжаны асаблівасці забеспячэння даступнасці прававой інфармацыі ў рамках функцыянавання дзяржаўнай сістэмы прававой інфармацыі Рэспублікі Беларусь. Асаблівая ўвага была ўдзелена ролі НЦПІ ў забеспячэнні свабоднага доступу грамадзян да афіцыйнай, поўнай і дакладнай прававой інфармацыі.
Акрамя таго, на канферэнцыі быў прадстаўлены даклад старшага навуковага супрацоўніка, кандыдата юрыдычных навук, дацэнта Алены Перапяліцы на тэму «Дзяржава і грамадства як мультыстэйкхолдэры інтэрнэт-адносін». У ім адзначана, што ў сучасным свеце ўзнікаюць новыя мадэлі паводзін асобы, грамадства і дзяржавы, прывязаныя да перадавых тэхналогій. Лічбавізацыя стварае асаблівую рэальнасць і ўмовы для эфектыўнага дыялогу паміж дзяржавай і грамадствам.