24 чэрвеня 2021 года ў рамках адкрытага дыялога «Моладзь Беларусі: рэаліі і перспектывы» ў Нацыянальнай бібліятэцы Беларусі намеснік дырэктара Нацыянальнага цэнтра прававой інфармацыі Вячаслаў Бякета і першы сакратар Цэнтральнага камітэта ОО «БРСМ» Дзмітрый Варанюк падпісалі Партнёрскае пагадненне і План мерапрыемстваў у вобласці развіцця і ўдасканальвання дзяржаўнай сістэмы прававой інфармацыі Рэспублікі Беларусь.
Для забеспячэння эфектыўнага ўзаемадзеяння бакі вызначылі адказных асоб, якія будуць каардынаваць работу паміж НЦПІ і БРСМ па ўсёй рэспубліцы.
У рамках будучага супрацоўніцтва прадугледжаны рад сумесных праектаў НЦПІ і БРСМ, накіраваных на асвету і інфармаванасць падрастаючага пакалення аб нормах заканадаўства Беларусі, асноўных змяненнях нарматыўных прававых актаў. Дакумент прапаноўвае новыя адкрытыя фарматы ўцягнення школьнікаў, студэнцтва, моладзі, якая працуе, пры дапамозе сучасных тэхналогій у развіццё і ўдасканальванне дзяржаўнай сістэмы прававой інфармацыі краіны.
НЦПІ і БРСМ звязвае шматгадовае супрацоўніцтва ў пытаннях прававога выхавання моладзі. НЦПІ актыўна ўдзельнічае ў сумесных мерапрыемствах з абласнымі, раённымі і гарадскімі арганізацыямі БРСМ, выступаючы арганізатарам і інфармацыйным партнёрам акцый, конкурсаў, віктарын, якія праводзяцца для падрастаючага пакалення. Чарговы віток развіцця адносін паслужыць стымулам для ўмацавання дружбы, якая склалася, і фарміравання новых падыходаў да супрацоўніцтва і правядзення асветніцкай работы.
(фота – БРСМ)