У 2020 годзе грамадскае аб’яднанне «Беларускі рэспубліканскі саюз юрыстаў» адзначае 30-гадовы юбілей.
4 снежня ў рамках святочных мерапрыемстваў адбылася канферэнцыя, арганізаваная ў мэтах падвядзення вынікаў па асноўных напрамках дзейнасці і разгляду новых вектараў развіцця арганізацыі.
Удзельнікі атрымалі магчымасць абмеркаваць актуальныя тэмы, якія тычацца дзейнасці грамадскага аб’яднання, абмяняцца вопытам у сферы медыяцыі, арбітражу, маладзёжнай палітыкі і аховы навакольнага асяроддзя, а таксама павіншаваць юрыстаў краіны і лаўрэатаў вышэйшай юрыдычнай прэміі «Феміда-2020».
У НЦПІ была арганізавана работа секцыі канферэнцыі па пытаннях арбітражнага разгляду спрэчак. З улікам эпідэміялагічнай сітуацыі ўдзел ажыццяўляўся ў фармаце асабістай прысутнасці, а таксама дыстанцыйна з выкарыстаннем сеткі Інтэрнэт.
Ад НЦПІ з прывітальным словам на мерапрыемстве выступіў намеснік дырэктара Віктар Шаршун.
Быў абмеркаваны шырокі спектр пытанняў дзейнасці арбітражу, у тым ліку працы Палаты арбітраў, разгляду спартыўных спрэчак, асаблівасці функцыянавання міжнароднага камерцыйнага арбітражу ва ўмовах пандэміі, выкарыстання ў арбітражным працэсе інфармацыйных тэхналогій.
Праведзеная дыскусія прайшла ў цёплай і па-сапраўднаму святочнай атмасферы.
(фота – афіцыйны сайт Беларускага рэспубліканскага саюза юрыстаў; НЦПІ)