На пачатку лістапада ў Міжнародным універсітэце «МІТСО» ў рамках Тыдня працоўнага права адбыліся V Міжнародная навукова-практычная канферэнцыя «Міжнародныя працоўныя стандарты і нацыянальнае заканадаўства аб працы і сацыяльным забеспячэнні (да 100-годдзя МАП)» і цыкл адкрытых лекцый вядучых замежных вучоных па працоўным і сацыяльным праве.
Тыдзень працоўнага права – традыцыйнае для ўніверсітэта мерапрыемства, якое штогод арганізуе Цэнтр даследавання прафсаюзнага руху і працоўнага права НДІ працоўных і сацыяльных адносін МІТСО.
НЦПІ і Міжнародны ўніверсітэт «МІТСО» звязвае шматгадовае супрацоўніцтва. Па традыцыі наша арганізацыя стала інфармацыйным партнёрам мерапрыемстваў Тыдня працоўнага права. Так, пераможцам Канферэнцыі ў якасці падарункаў былі ўручаны афіцыйныя друкаваныя выданні «Працоўны кодэкс Рэспублікі Беларусь».
Падчас пленарнага пасяджэння V Міжнароднай навукова-практычнай канферэнцыі «Міжнародныя працоўныя стандарты і нацыянальнае заканадаўства аб працы і сацыяльным забеспячэнні (да 100-годдзя МАП)» рэгіянальным цэнтрам прававой інфармацыі г. Мінска праведзена прэзентацыя дзяржаўных інфармацыйна-прававых рэсурсаў: прававых сістэм «ЭТАЛОН» і «ЭТАЛОН-ONLINE», Нацыянальнага прававога Інтэрнэт-партала, Прававога форума Беларусі. Акрамя таго, была арганізавана выставачная экспазіцыя, у межах якой удзельнікі і госці мерапрыемства змаглі азнаёміцца з рознымі кірункамі дзейнасці НЦПІ, падрабязней даведацца аб інфармацыйным напаўненні, функцыянальных магчымасцях і лайфхаках для эфектыўнага выкарыстання прававых рэсурсаў у рабоце і вучобе.