НЦПІ прыняў удзел у працы круглага стала юрфака БДУ і Беларускага рэспубліканскага саюза юрыстаў

25 лістапада 2020 г. юрыдычны факультэт Беларускага дзяржаўнага ўніверсітэта і Беларускі рэспубліканскі саюз юрыстаў правялі круглы стол «Практыкаарыентаваная адукацыя юрыстаў: сучасны стан і перспектывы», прысвечаны 20-годдзю Юрыдычнай клінікі БДУ.

У рамках круглага стала былі абмеркаваны такія практычныя пытанні, як узаемадзеянне прафесійных грамадскіх арганізацый і студэнцтва, арганізацыя дыялогу ўстаноў вышэйшай адукацыі і заказчыкаў кадраў, неабходныя навыкі юрыста ў сучасных умовах, аспекты функцыянавання юрыдычных клінік.

У мерапрыемстве прыняў удзел намеснік дырэктара НЦПІ Віктар Шаршун.